ក្មួយប្រុសលោក គីម ជុងអ៊ុន បាត់ខ្លួន បន្ទាប់ពីជួបជាមួយភ្នាក់ងារ CIA

ក្មួយប្រុសរបស់មេដឹកនាំកូរ៉េខាងជើងលោក គីម ជុងអ៊ុន ត្រូវបានគេរាយការណ៍ថាត្រូវ CIA ចាប់ខ្លួន ។ លោក Kim Han-sol គឺជាកូនប្រុសរបស់លោក Kim Jong-nam ដែលជាបងប្រុសរបស់លោក គីម ដែលត្រូវបានគេធ្វើឃាតដោយប្រើភ្នាក់ងារសរសៃប្រសាទនៅឆ្នាំ ២០១៧ ។

គេបានអះអាងថា បុរសដែលត្រូវគេនិរទេសខ្លួនអាយុ ២៥ ឆ្នាំដែលត្រូវបានគេនិយាយថារស់នៅក្នុងជីវិតប្រណីត ឥឡូវនេះកំពុងលាក់ខ្លួន បន្ទាប់ពីបានប្រគល់ខ្លួនអោយភ្នាក់ងារស៊ើបការណ៍សម្ងាត់អាមេរិក ។

សារព័ត៌មាន New Yorker រាយការណ៍ថា ក្រុមអ្នកប្រឆាំងរបស់កូរ៉េខាងជើងលោក Free Joseon បានអះអាងថាបានជួយភៀសខ្លួនក្មួយប្រុសរបស់លោក គីម រូបនេះ បន្ទាប់ពីការស្លាប់ឪពុករបស់លោក ។

ក្រោយចេញពីកូរ៉េខាងជើងលោក Han-sol បានទៅក្រុងម៉ាកាវ ហើយក្រោយមករស់នៅក្នុងក្រុងតៃប៉ិ នៃកោះតៃវ៉ាន ពោល ២ ថ្ងៃ បន្ទាប់ពីឪពុករបស់គាត់ត្រូវបានសម្លាប់ ។

ទន្ទឹមនោះមានការចោទប្រកាន់ថា ភ្នាក់ងារ CIA ពីរនាក់បានព្យាយាមស្ទាក់ចាប់គាត់នៅឯក្រុងតៃប៉ិ ហើយក្រោយមកគាត់ត្រូវបានគេនាំទៅមន្ទីរឃុំឃាំងជាទីតាំងដែលគាត់បាត់ខ្លួន ។

ការបង្ហាញមុខជាសាធារណៈចុងក្រោយរបស់ Han-sol គឺនៅក្នុងវីដេអូឃ្លីបមួយដែលចេញផ្សាយដោយលោក Free Joseon នៅប៉ុន្មានសប្តាហ៍ បន្ទាប់ពីមរណភាពរបស់ឪពុកគាត់ ។

ក្នុងវីដេអូរយៈពេល ៤០ វិនាទីគាត់បាននិយាយថា “ខ្ញុំឈ្មោះ Kim Han-sol មកពីប្រទេសកូរ៉េខាងជើងដែលជាផ្នែកមួយនៃគ្រួសារលោក គីម នេះជាលិខិតឆ្លងដែនរបស់ខ្ញុំ ។ ឪពុកខ្ញុំត្រូវបានសម្លាប់ពីរបីថ្ងៃហើយ ។ បច្ចុប្បន្នខ្ញុំនៅជាមួយម្តាយ និងប្អូនស្រីរបស់ខ្ញុំ” ។

សកម្មជនសន្មតថា លោក Han-sol បានទាមទារសិទ្ធិជ្រកកោននៅក្នុងប្រទេសមួយផ្សេងទៀត ប៉ុន្តែបាននិយាយថា ក្រុមរបស់គាត់បានធ្វើឲ្យមានកំហុសដល់ CIA ទើបមានការចាប់ខ្លួននេះ ។

គួររម្លឹកថា ឪពុករបស់លោក Han-sol គឺលោក Kim Jong-nam បានស្លាប់ បន្ទាប់ពីត្រូវបានវាយប្រហារជាមួយភ្នាក់ងារសរសៃប្រសាទ VX ខណៈពេលដែលគាត់កំពុងដើរនៅក្នុងអាកាសយានដ្ឋានអន្តរជាតិក្រុងគូឡាឡាំពួរ ប្រទេសម៉ាឡេស៊ី ៕

ប្រែសម្រួលដោយ ៖ ជីវ័ន្ត

ប្រភព ៖ The Sun