ព័ត៌មានអន្ដរជាតិ
មនុស្សជាង៧០នាក់ស្លាប់ក្នុងការតវ៉ាផ្ទុះហិង្សាជុំវិញអតីតប្រធានាធិបតី Zuma ជាប់គុក
ហោចណាស់មនុស្ស៧២នាក់បានស្លាប់នៅក្នុងហិង្សាដែលរាលដាលពាសពេញផ្នែកខ្លះនៃប្រទេសអាហ្វ្រិកខាងត្បូង ចាប់តាំងពីអតីតប្រធានាធិបតីលោក Jacob Zuma បានប្រគល់ខ្លួនឲ្យប៉ូលិសចាប់កាលពីសប្តាហ៍មុន។
មនុស្សប្រហែលជា១២៣៤នាក់ត្រូវបានចាប់ខ្លួនក្នុងចលាចលដែលបានផ្តើមចេញពីការតវ៉ា បន្ទាប់ពីលោក Zuma ត្រូវបានបញ្ជូនចូលពន្ធនាគារកាលពីថ្ងៃព្រហស្បតិ៍។ ប៉ុន្តែការតវ៉ាបានផ្ទុះហិង្សាកាលពីចុងសប្តាហ៍កន្លងទៅនេះដោយមានការដុតពំនកភ្លើង បិទមហាវិថី និងអាជីវកម្មនានាត្រូវបានលួចប្លន់។
រដ្ឋមន្ត្រីប៉ូលិសលោក Bheki Cele បានប្រាប់អ្នកសារព័ត៌មានកាលពីថ្ងៃអង្គារ៍ថា ប្រសិនបើការលួចនៅតែបន្តមាន នឹងមានហានិភ័យអស់ស្បៀងអាហារ។ ទោះបីជាយ៉ាងណា រដ្ឋមន្ត្រីក្រសួងការពារជាតិ លោក Nosiviwe Mapisa-Nqakula បាននិយាយថា មិនមានតម្រូវការដើម្បីប្រកាសអាសន្នទេជុំវិញហិង្សានៅខេត្ត KwaZulu-Natal និងខេត្ត Gauteng។
អភិបាលខេត្ត KwaZulu-Natal លោក Sihle Zikalala បានឲ្យដឹងថា មនុស្សប្រហែលជា២៦នាក់ត្រូវបានសម្លាប់នៅក្នុងខេត្តរបស់លោករហូតដល់ពេលនេះ ក្នុងនោះមានក្មេងប្រុសអាយុ១៥ឆ្នាំម្នាក់។ មនុស្ស៦នាក់បានស្លាប់នៅខេត្ត Gauteng។
នៅយប់ថ្ងៃចន្ទ មនុស្ស១០នាក់ត្រូវបានសម្លាប់នៅផ្សារទំនើបមួយកន្លែងនៅ Soweto។
លោកប្រធានាធិបតី Cyril Ramaphosa បានហៅការតវ៉ានេះថាជាផ្នែកនៃហិង្សាធ្ងន់ធ្ងរបំផុតនៅប្រទេសអាហ្វ្រិកខាងត្បូងចាប់តាំងពីដើមទសវត្សរ៍ឆ្នាំ១៩៩០មក។
មន្ត្រីបានចោទប្រកាន់ក្រុមមនុស្សមួយចំនួនដែលកេងចំណេញពីការខឹងសម្បាជុំវិញការដាក់លោក Zuma ចូលពន្ធនាគារដើម្បីក្លាយជាទង្វើឧក្រិដ្ឋ ខណៈអ្នកផ្សេងនិយាយថា កំហឹងជុំវិញភាពអន់ការងារធ្វើ និងភាពក្រក្រីកំពុងជំរុញឲ្យមានភាពវឹកវរ។
ប៉ុន្តែលោក Cele បានព្រមានថា ៖«គ្មានទំហំនៃការមិនសប្បាយចិត្ត ឬស្ថានភាពផ្ទាល់ខ្លួនពីមនុស្សយើងផ្តល់សិទ្ធិឲ្យនរណាម្នាក់លួចប្លន់ បំផ្លិចបំផ្លាញ និងធ្វើដូចពួកគេពេញចិត្ត និងបំពានច្បាប់»។
អតីតប្រធានាធិបតីអាហ្វ្រិកខាងត្បូង លោក Zuma ត្រូវបានកាត់ទោសពីបទមើលងាយតុលាការកាលពីខែមុន បន្ទាប់ពីលោកមិនបានផ្តល់សក្ខីកម្មក្នុងការស៊ើបអង្កេតជុំវិញអំពើពុករលួយកំឡុងពេលលោកកាន់តំណែងប្រធានាធិបតី។
លោក Zuma អាយុ៧៩ឆ្នាំដែលបានបដិសេធអំពើពុករលួយត្រូវបានកាត់ទោសឲ្យជាប់ពន្ធនាគារ១៥ខែ។ លោកបានប្រគល់ខ្លួនឲ្យប៉ូលិសចាប់កាលពីពុធ៕
ប្រែសម្រួល៖ វីរបុត្រ
ប្រភព៖ BBC
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២០ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ