ព័ត៌មានអន្ដរជាតិ

កូវីដ ១៩ សម្លាប់មនុស្សកើនដល់ជាង ១,១៤លាននាក់ ក្នុងចំណោមអ្នកឆ្លងសរុបជិត ៤២លាននាក់

បានផុស

៤ years មុន

នៅ

ថ្ងៃសុក្រ ២៣ តុលា ២០២០

ដោយ

គិតត្រឹមព្រឹកថ្ងៃសុក្រនេះ តួលេខអ្នកស្លាប់ដោយសារជំងឺកូវីដ ១៩ នៅជុំវិញពិភពលោក នៅតែបន្តកើនឡើងយ៉ាងគំហុកដោយសរុបដល់ទៅជាង ១,១៤លាននាក់ ខណៈឆ្លងសរុបកើនដល់ជិត ៤២លាននាក់ ក្នុងនោះជាសះស្បើយជាង ៣១លាននាក់។ នេះបើយោងតាមតួលេខចេញផ្សាយដោយ Worldometers.info។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វីគួរឲ្យកត់សម្គាល់ខ្លាំង អត្រាឆ្លងថ្មីនៅលើពិភពលោកភាគច្រើន កើតមាននៅឥណ្ឌា នាំឲ្យប្រទេសមានពលរដ្ឋជាង ១៣,៥ពាន់លាននាក់មួយនេះ ឡើងឈរលំដាប់ទី២ ប្រកៀកប្រកិតជាមួយសហរដ្ឋអាមេរិក ដែលឈរលើកំពូលតារាង ជាមួយតួលេខឆ្លងសរុបប្រមាណ ៧,៥៦លាននាក់ ស្លាប់ ១១៧ ៣៣៦នាក់ ខណៈអាមេរិកស្លាប់ ២២៨ ៣៨១នាក់ ក្នុងចំណោមអ្នកឆ្លងសរុបជាង ៨,៦៦លាននាក់។

ប្រទេសធ្ងន់ធ្ងរលំដាប់ទី៣ គឺប្រេស៊ីល ដែលមានតួលេខឆ្លងសរុបជាង ៥,៣៣លាននាក់ ស្លាប់ ១៥៥ ៩៦២នាក់។

ស្ថានភាពនៅអឺរ៉ុប រុស្ស៊ី គឺធ្ងន់ធ្ងរជាងគេ ដោយមានអ្នកឆ្លងសរុបជាង ១,៤លាននាក់ ស្លាប់ ២៥ ២៤២នាក់ អេស្ប៉ាញឆ្លងសរុបជាង ១,០៩លាននាក់ ស្លាប់ ៣៤ ៥១២នាក់ ខណៈបារាំង ឆ្លងសរុបប្រមាណ ១លាននាក់ ស្លាប់ ៣២ ៤១០នាក់។

ដោយឡែក នៅអាស៊ីអាគ្នេយ៍ឯណេះវិញ ឥណ្ឌូនេស៊ី បានវ៉ាដាច់ហ្វីលីពីនហើយ ដោយមានតួលេខឆ្លងប្រមាណជាង ៣៧៧ ៥០០នាក់ ស្លាប់ ១២ ៩៥៩នាក់ ខណៈហ្វីលីពីនឆ្លងសរុបប្រមាណ ៣៦៤ ០០០នាក់ ស្លាប់ ៦ ៨៧៣នាក់។

បើក្រឡេកមកមើលស្ថានភាពនៅតំបន់ឥណ្ឌូចិន មានវៀតណាម ឡាវ និងកម្ពុជា គឺវៀតណាមជាប្រទេសមានអត្រាឆ្លង និងស្លាប់ច្រើនបំផុត ជាមួយករណីសរុប ១ ១៤៨នាក់ ស្លាប់ ៣៥នាក់ កម្ពុជាឆ្លងសរុប ២៨៦នាក់ ខណៈឡាវ ២៤នាក់ និងសុទ្ធតែគ្មានអ្នកស្លាប់៕

ប្រែសម្រួល៖ សុភា
ប្រភព៖ Worldometers

អត្ថបទពាក់ព័ន្ធ៖

Related Topics: