ព័ត៌មានអន្ដរជាតិ

ពេលនេះ ករណីឆ្លងកូវីដប្រចាំថ្ងៃ របស់ឥណ្ឌូណេស៊ី កើនលើស ឥណ្ឌា ទៅទៀត

បានផុស

៣ years មុន

នៅ

ថ្ងៃព្រហស្បតិ៍ ១៥ កក្កដា ២០២១

ដោយ

ករណីឆ្លងជំងឺកូវីដ-១៩ របស់ប្រទេសឥណ្ឌូណេស៊ី ពេលនេះ បានកើនលើសករណីប្រចាំថ្ងៃរបស់ឥណ្ឌាហើយ ដោយធ្វើឲ្យខ្លួនក្លាយជាចំណុចផ្ទុះវីរុសថ្មីរបស់អាស៊ី ខណៈវីរុសបំប្លែងខ្លួនឆ្លងខ្លាំង Delta កំពុងវាយលុក ប្រទេសសេដ្ឋកិច្ចធំជាងគេបំផុត នៅអាស៊ីអាគ្នេយ៍មួយនេះ។

ឥណ្ឌូណេស៊ី បានរាយការណ៍ករណីឆ្លងប្រចាំថ្ងៃលើស ៤០,០០០ ករណី ក្នុងរយៈពេល ២ ថ្ងៃជាប់គ្នា ដែលរួមមានទាំងកំណត់ត្រាខ្ពស់បំផុត ៤៧,៨៩៩ ករណី កាលពីថ្ងៃអង្គារ ផងដែរ។

ក្រុមមន្រ្តីមានការព្រួយបារម្ភថា វីរុសបំប្លែងខ្លួនថ្មីឆ្លងកាន់តែខ្លាំង កំពុងរាលដាលនៅខាងក្រៅកោះជ្វារបស់ប្រទេសនេះ ហើយអាចបង្កផលប៉ះពាល់ដល់បុគ្គលិកមន្ទីរពេទ្យ និងការផ្គត់ផ្គង់អុកស៊ីសែននិងថ្នាំ។

ទោះបីជាយ៉ាងណាក៏ដោយ ចំនួនករណីបច្ចុប្បន្ន របស់ឥណ្ឌូណេស៊ី គឺនៅឆ្ងាយណាស់ បើធៀបទៅនឹងពេលឥណ្ឌា ឡើងដល់ចំណុចកំពូល ៤០០,០០០ ករណីកាលពីខែឧសភា។

ប្រទេសឥណ្ឌា ដែលមានប្រជាជនលើសប្រហែល ៥ ដងនៃចំនួនប្រជាជន ២៧០ លាននាក់របស់ឥណ្ឌូណេស៊ី បានមើលឃើញការឆ្លងប្រចាំថ្ងៃធ្លាក់ចុះក្រោម ៣៣,០០០ ករណីកាលពីថ្ងៃអង្គារ ខណៈការផ្ទុះឡើងដ៏សាហាវរបស់ខ្លួន បានបន្តធ្លាក់ចុះ។

Delta variant drove COVID-19 cases higher across the globe last week — including in the U.S. - MarketWatch

ជាមធ្យម ប្រទេសឥណ្ឌូណេស៊ីបានរាយការណ៍ថាមានអ្នកស្លាប់ ៩០៧ នាក់ជារៀងរាល់ថ្ងៃក្នុងរយៈពេល ៧ ថ្ងៃចុងក្រោយ បើប្រៀបធៀបទៅនឹង ១៨១ នាក់កាលពីខែមុន ខណៈ ប្រទេសឥណ្ឌាបានរាយការណ៍ថា មានអ្នកស្លាប់ជាមធ្យម ១,០៧២ នាក់រៀងរាល់ថ្ងៃ៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ មិនធ្លាប់មានសោះ! ២៤ម៉ោងចុងក្រោយ ឥណ្ឌូណេស៊ី ប្រកាសរកឃើញ អ្នកឆ្លងកូវីដខ្ពស់បំផុត ជាង ៤ពាន់ករណី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត