ក្ដៅៗ ចិន រកឃើញករណីឆ្លង វីរុសផ្ដាសាយបក្សី H5N6 ដល់មនុស្សលើកដំបូង

អាជ្ញាធរមូលដ្ឋានបាននិយាយនៅថ្ងៃព្រហស្បតិ៍នេះថា មនុស្សម្នាក់ត្រូវបានគេធ្វើតេស្តវិជ្ជមាន ចំពោះវីរុសផ្តាសាយបក្សី H5N6 នៅទីក្រុង Bazhong ខេត្ត Sichuan ភាគនិរតីប្រទេសចិន ។

ក្រោយការធ្វើតេស្តវិជ្ជមានវីរុសផ្តាសាយបក្សី H5N6 អ្នកជំងឺក៏ត្រូវបានគេបញ្ជូនទៅសម្រាកព្យាបាលនៅមន្ទីរពេទ្យភ្លាមៗផងដែរ ។

បុរសវ័យ ៥៥ ឆ្នាំរូបនេះ បានបង្ហាញរោគសញ្ញាគ្រុនក្តៅកាលពីថ្ងៃទី ៣០ ខែមិថុនា ហើយត្រូវបានគេធ្វើតេស្តរកឃើញវីរុសនេះ នៅថ្ងៃទី ៦ ខែកក្កដា ។

ទន្ទឹមនោះ អាជ្ញាធរមូលដ្ឋានបានធ្វើសកម្មភាពឆ្លើយតបជាបន្ទាន់ និងបានបាញ់ថ្នាំសម្លាប់មេរោគតំបន់នោះផងដែរ ។

យោងតាមការវាយតម្លៃរបស់អ្នកជំនាញ បានឲ្យដឹងថា ហានិភ័យនៃការរីករាលដាលទ្រង់ទ្រាយធំនៃវីរុសនេះ គឺទាបណាស់ និងមិនបង្កការចម្លងធ្ងន់ធ្ងរណាមួយឡើយ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ទីបំផុត ចិន ចាប់ផ្តើមចាក់វ៉ាក់សាំងការពារកូវីដដល់ក្មេងជំទង់ហើយ