ព័ត៌មានអន្ដរជាតិ

វៀតណាមអនុម័តវ៉ាក់សាំងកូវីដ J&J ប្រើប្រាស់បន្ទាន់

បានផុស

៤ years មុន

នៅ

ថ្ងៃសុក្រ ១៦ កក្កដា ២០២១

ដោយ

ក្រសួងសុខាភិបាលវៀតណាមនៅថ្ងៃព្រហស្បតិ៍ម្សិលមិញបានអនុម័តវ៉ាក់សាំងបង្ការកូវីដ-១៩ Johnson & Johnson សម្រាប់ការប្រើប្រាស់បន្ទាន់ដែលបានក្លាយជាវ៉ាក់សាំងទី៦ត្រូវបានអនុម័តក្នុងប្រទេសនេះ។

ក្រុមហ៊ុនវ៉ាក់សាំង Johnson & Johnson (J&J) នៅក្នុងប្រទេសវៀតណាមបានដាក់ស្នើសុំការអនុម័តកាលពីដើមខែនេះជាមួយនឹងទិន្នន័យសុវត្ថិភាព គុណភាព និងប្រសិទ្ធភាពរបស់វា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអនុម័តរបស់ក្រសួងគឺផ្អែកលើអ្នកផលិតដែលបានធានាពីសុវត្ថិភាព និងគុណភាព ដោយផ្តល់ទិន្នន័យបន្ថែមនៅពេលស្នើសុំ និងសហប្រតិបត្តិការក្នុងការចែកចាយ រដ្ឋបាល និងការគ្រប់គ្រងហានិភ័យ។

កន្លងមក ប្រទេសវៀតណាមបានអនុម័តវ៉ាក់សាំងបង្ការកូវីដ-១៩ចំនួន៥ប្រភេទមកហើយគឺ AstraZeneca, Sputnik-V, Pfizer, Moderna និង Sinopharm។

មិនដូចវ៉ាក់សាំង៥ប្រភេទខាងលើ វ៉ាក់សាំង J&J ត្រូវការចាក់តែមួយដូសប៉ុណ្ណោះ។ ការសាកល្បងគ្លីនិកទូទាំងពិភពលោកទៅលើអ្នកស្ម័គ្រចិត្ត ៤៤០០០នាក់បង្ហាញថា ប្រសិទ្ធភាពការពាររបស់វ៉ាក់សាំងនេះមាន៦៦%។

វ៉ាក់សាំង J&J ទទួលបានការអនុម័តពីអង្គការសុខភាពពិភពលោកកាលពីថ្ងៃទី១២ ខែមីនា ហើយកំពុងមានក្នុងប្រទេស និងដែនដី២៤៕

ប្រែសម្រួល៖ វីរបុត្រ
ប្រភព៖ reuters