ព័ត៌មានអន្ដរជាតិ

ធ្ងន់ណាស់ អង់គ្លេសឆ្លងប្រចាំថ្ងៃលើ៥ម៉ឺននាក់លើកដំបូងតាំងពីខែមករា

បានផុស

៤ years មុន

នៅ

ថ្ងៃសៅរ៍ ១៧ កក្កដា ២០២១

ដោយ

ចក្រភពអង់គ្លេសមានករណីឆ្លងកូវីដ-១៩ប្រចាំថ្ងៃច្រើនជាង៥០ ០០០នាក់ជាលើកដំបូងគិតចាប់តាំងពីពាក់កណ្តាលមករាមក។

តួលេខឆ្លងថ្មីប្រចាំថ្ងៃចំនួន ៥១ ៨៧០នាក់ត្រូវបានរកឃើញជាប់កំណត់ត្រាដែលជាតួលេខច្រើនបំផុតគិតចាប់តាំងពីថ្ងៃទី១៥ ខែមករា និងស្លាប់៤៩នាក់ក្នុងពេល២៨ថ្ងៃចុងក្រោយនៃការធ្វើតេស្តវិជ្ជមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់ពីថ្ងៃចន្ទខាងមុខនេះទៅ បំរាមរឹតត្បិតនឹងត្រូវបញ្ចប់នៅអង់គ្លេស ទោះជាយ៉ាងណា សេចក្តីណែនាំមួយចំនួននៅតែបន្តដាក់ចេញ។ មុននេះ ប្រធានវេជ្ជសាស្ត្រអង់គ្លេសបានព្រមានពីអ្នកជំងឺចូលមន្ទីរពេទ្យអាចជាតួលេខគួរឲ្យខ្លាច។

លោកសាស្ត្រាចារ្យ Chris Whitty បាននិយាយថា ចំនួនអ្នកជំងឺកូវីដ-១៩នៅមន្ទីរពេទ្យកំពុងកើនឡើងទ្វេដងជារៀលរាល់សប្តាហ៍។

លោកបន្ថែមថា ចក្រភពអង់គ្លេសមិនទាន់ស្ថិតនៅក្រៅព្រៃនៅឡើយទេ ហើយប្រជាជនគួរត្រូវប្រុងប្រយ័ត្ន នៅពេលបំរាមរឹតត្បិតត្រូវបានបញ្ចប់នៅថ្ងៃចន្ទ។

ករណីឆ្លងប្រចាំថ្ងៃខ្ពស់បំផុតជាប់កំណត់ត្រារបស់ចក្រភពអង់គ្លេសគឺ ៦៩ ០៥៣នាក់កាលពីថ្ងៃទី៨ ខែមករា។

រដ្ឋមន្ត្រីសុខាភិបាល Sajid Javid ធ្លាប់បានព្រមានថាពីចំនួនឆ្លងថ្មីអាចនឹងកើនឡើងលើ៥០ ០០០នាក់ត្រឹមតែមួយថ្ងៃចាប់ពីថ្ងៃទី១៩ ខែកក្កដា ទៅ ហើយចំនួនអាចឡើងខ្ពស់ខ្លាំងដល់១០០ ០០០នាក់នៅរដូវក្តៅ៕

ប្រែសម្រួល៖ វីរបុត្រ
ប្រភព៖ BBC