ប្រសិទ្ធភាពពិតៗ ស្មៅមួយប្រភេទ ជួយអ្នកជំងឺកូវីដ ថៃ ជិត ៣ ពាន់នាក់ឲ្យជាសះស្បើយ

រដ្ឋមន្រ្តីក្រសួងយុត្តិធម៌ថៃ លោក Somsak Thepsutin បានឲ្យដឹងថា អ្នកទោសដែលឆ្លងវីរុសកូវីដ-១៩មានរោគសញ្ញាស្រាល ជិត ៣,០០០ នាក់នៅក្នុងពន្ធនាគារ Chiang Mai Central បានជាសះស្បើយ បន្ទាប់ពីទទួលការព្យាបាល ដោយផឹកត្រឹមតែ ស្មៅប្រមាត់មនុស្ស។ នេះបើយោងតាមការចុះផ្សាយរបស់កាសែត បាងកក ប៉ុស្តិ៍។

លោករដ្ឋមន្រ្តីបាននិយាយកាលពីថ្ងៃសុក្រទី១៦ខែកក្កដាថា “ខ្ញុំសូមចែកចាយតួលេខគួរឲ្យចាប់អារម្មណ៍ទាំងនេះដល់អ្នក។ អ្នកទោសដែលបានឆ្លងសរុបទាំងអស់ ១,២៥១ នាក់នៅក្នុងពន្ធនាគារ Chiang Mai ត្រូវបានព្យាបាលដោយថ្នាំ Favipiravir ខណៈ ២.៩១៤ នាក់ត្រូវបានព្យាបាលដោយផឹកត្រឹមតែ ស្មៅប្រមាត់មនុស្ស”។

អ្នកដែលក្អកនិងពិបាកដកដង្ហើម ត្រូវបានព្យាបាលដោយថ្នាំ favipiravir រីឯអ្នកដែលមានរោគសញ្ញាមិនសូវធ្ងន់ធ្ងរ ត្រូវបានគេឲ្យផឹកឱសថបុរាណនេះ។

លោកបាននិយាយបែបនេះ នៅក្នុងកិច្ចប្រជុំ ជាមួយភ្នាក់ងាររដ្ឋមួយចំនួនស្តីពីគោលនយោបាយជំរុញការដាំស្មៅ នៅតាមពន្ធនាគារទាំងអស់។

លោកបានថ្លែងថា តាមរយៈបទពិសោធន៍នេះ លោកចង់ជំរុញឲ្យមានការដាំដុះស្មៅជាឱសថបុរាណ ជាពិសេសសម្រាប់ការប្រើប្រាស់នៅតាមផ្ទះ ព្រោះបច្ចុប្បន្ន ប្រទេសនេះមានការឆ្លងជំងឺកូវីដ-១៩ លើស៩,០០០ ករណីជារៀងរាល់ថ្ងៃ៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ព្រឹកនេះ វៀតណាម រកឃើញអ្នកឆ្លងកូវីដ ជាង ២ពាន់ករណីទៀត