ព័ត៌មានអន្ដរជាតិ

ក្ដៅៗ អាមេរិក រកឃើញវីរុសដ៏ចម្លែកមួយទៀតឆ្លងលើមនុស្ស

បានផុស

៤ years មុន

នៅ

ថ្ងៃសៅរ៍ ១៧ កក្កដា ២០២១

ដោយ

មជ្ឈមណ្ឌលគ្រប់គ្រង និងបង្ការជំងឺអាមេរិក (CDC) បាននិយាយនៅក្នុងសេចក្តីប្រកាសព័ត៌មានមួយ ស្ដីពីការរកឃើញករណីដ៏កម្រមួយ នៃមនុស្សបានឆ្លងវីរុសអុតស្វា “MonkeyPox” ក្នុងរដ្ឋ Texas សហរដ្ឋអាមេរិក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញផ្សាយនេះបាននិយាយកាលពីថ្ងៃសុក្រថា “មជ្ឈមណ្ឌគ្រប់គ្រង និងបង្ការជំងឺ (CDC) និងសេវាសុខភាពរដ្ឋនៃរដ្ឋ Texas បានបញ្ជាក់នៅថ្ងៃទី ១៥ ខែកក្កដា នូវករណីកើតវីរុសអុតស្វា “MonkeyPox” លើមនុស្សដែលទើបធ្វើដំណើរពីនីហ្សេរីយ៉ាមកកាន់សហរដ្ឋអាមេរិក ហើយអ្នកដែលឆ្លងជំងឺនេះ បច្ចុប្បន្នកំពុងសម្រាកព្យាបាលនៅមន្ទីរពេទ្យក្នុងទីក្រុង Dallas” ។

សេចក្ដីប្រកាសព័ត៌មាននោះបានបញ្ជាក់ថា “មនុស្សម្នាក់បានធ្វើដំណើរពីទីក្រុង Lagos ប្រទេសនីហ្សេរីយ៉ាទៅកាន់ទីក្រុង Dallas ហើយបានឈប់សម្រាកនៅកន្លែងមួយក្នុងរដ្ឋ Atlanta ហើយមន្ត្រីសុខាភិបាលកំពុងធ្វើការទាក់ទងអ្នកដំណើរតាមយន្តហោះ និងអ្នកផ្សេងទៀតដែលអាចមានទំនាក់ទំនងជាមួយបុគ្គលដែលឆ្លងជំងឺនេះ” ។

CDC ជឿជាក់ថា ការរីករាលដាលនៃវីរុសអុតស្វា “MonkeyPox” តាមរយៈដំណក់ទឹកផ្លូវដង្ហើមទៅកាន់អ្នកដទៃនៅលើយន្តហោះ និងនៅក្នុងអាកាសយានដ្ឋាន គឺទាបណាស់ ។

គួរបញ្ជាក់ថា ការឆ្លងវីរុសអុតស្វា “MonkeyPox” ភាគច្រើនមានរយៈពេលពី ២ ទៅ ៤ សប្តាហ៍ ហើយមានជំងឺដូចជាផ្តាសាយដែរ ហើយវាបណ្តាលឲ្យហើមកូនកណ្តុរ និងរាលដាលយ៉ាងឆាប់រហ័សលើរាងកាយ ៕