ព័ត៌មានអន្ដរជាតិ
Facebook ថា អ្នកប្រើប្រាស់បណ្ដាញរបស់ខ្លួននៅ អាមេរិក ចំនួន ៨៥ ភាគរយគាំទ្រការចាក់វ៉ាក់សាំង មិនដូចការរិះគន់របស់លោក បៃដិន
Facebook អះអាងថា ក្រុមហ៊ុនកំពុងទទួលបានការលើកទឹកចិត្តពាក់ព័ន្ធនឹងវ៉ាក់សាំង ក្នុងចំណោមអ្នកប្រើប្រាស់បណ្ដាញរបស់ខ្លួននៅអាមេរិក ដោយកត់សម្គាល់ពីការកើនឡើង ១០ ទៅ ១៥ ភាគរយចាប់តាំងពីខែមករា ក្រោយមានការរិះគន់ពីលោក ចូ បៃដិន ។
ទន្ទឹមនោះ នាយករងរបស់ Facebook លោក Guy Rosen បាននិយាយថា “ទិន្នន័យបានបង្ហាញថា ៨៥ ភាគរយនៃអ្នកប្រើប្រាស់ Facebook នៅអាមេរិកបានគាំទ្រ និងចង់ចាក់វ៉ាក់សាំងប្រឆាំងនឹងជំងឺកូវីដ ១៩” ។
កាលពីថ្ងៃសុក្រ ប្រធានាធិបតីសហរដ្ឋអាមេរិក លោក ចូ បៃដិន បាននិយាយថា វេទិកាប្រព័ន្ធផ្សព្វផ្សាយសង្គមដូចជា Facebook “កំពុងសម្លាប់មនុស្ស” បន្ទាប់ពីសេតវិមាន បន្តរិះគន់ក្រុមហ៊ុននេះ ដែលអនុញ្ញាតឲ្យព័ត៌មានមិនពិតអំពីវ៉ាក់សាំង ត្រូវបានផ្សព្វផ្សាយលើវេទិការបស់ខ្លួន ។
បន្ទាប់ពីមានការរិះគន់នាពេលកន្លងមក លោក Rosen ក៏បានចោទប្រកាន់លោក បៃដិន វិញផងដែរថា បានធ្វើឲ្យហ្វេសប៊ុកក្លាយជាអ្នកបោកប្រាស់ សម្រាប់ការបរាជ័យរបស់រដ្ឋបាលលោក ក្នុងការសម្រេចគោលដៅចាក់វ៉ាក់សាំងដល់ជនជាតិអាមេរិកឲ្យបាន ៧០ ភាគរយនៅត្រឹមថ្ងៃទី ៤ ខែកក្កដា ។
បន្ថែមពីនេះ ទាំង Facebook និងលោក Rosen បានអះអាងថា មានការជឿជាក់យ៉ាងខ្លាំងលើវ៉ាក់សាំងការពារជំងឺកូវីដ ១៩ ក្នុងចំណោមអ្នកប្រើប្រាស់នៅអាមេរិក ក្នុងរយៈពេល ៦ ខែចុងក្រោយនេះ ។ ដោយដកស្រង់សម្ដីពីការស្ទង់មតិថ្មីៗនេះដោយសកលវិទ្យាល័យ Carnegie Mellon លោក Rosen បាននិយាយថា “ចាប់តាំងពីខែមករា ការគាំទ្រការចាក់វ៉ាក់សាំងពីសំណាក់អ្នកប្រើប្រាស់ Facebook នៅសហរដ្ឋអាមេរិក បានកើនឡើង ១០ ទៅ ១៥ ភាគរយ (៨០ ទៅ ៨៥ភាគរយ)” ។
លោកបានកត់សម្គាល់ថា “Facebook បានប្រើប្រាស់ធនធានដែលមិនធ្លាប់មានពីមុនមក ក្នុងការប្រយុទ្ធប្រឆាំងនឹងរោគរាតត្បាតដូចជា ចង្អុលបង្ហាញប្រជាជនឲ្យទទួលព័ត៌មានដែលអាចទុកចិត្តបាន និងជួយសម្រួលដល់យុទ្ធនាការចាក់វ៉ាក់សាំង ជាដើម ។ ចំណែកការបង្ហោះទាក់ទងនឹងប្រសិទ្ធភាព និងសុវត្ថិភាពរបស់វ៉ាក់សាំងការពារជំងឺកូវីដ ១៩ Facebook បាននិងកំពុងធ្វើសង្គ្រាមលើព័ត៌មាន ដែលមិនស្របនឹងជំហរផ្លូវការរបស់អង្គការសុខភាពពិភពលោក (WHO) ឬរដ្ឋាភិបាលក្នុងតំបន់” ។
ស្របពេលជាមួយគ្នានេះ ដោយទទួលបានជោគជ័យក្នុងបង្ក្រាប “ព័ត៌មានកូវីដមិនពិត” របស់ក្រុមហ៊ុន Facebook បាននិយាយថាខ្លួនបានមាតិការព័ត៌មានកូវីដចំនួន ១៦៧ លានដែលត្រូវបានចាត់ទុកថាមិនពិត ដោយក្រុមអ្នកត្រួតពិនិត្យរបស់ក្រុមហ៊ុន ហើយនឹងបន្ថែមលើការលុបនូវព័ត៌មានកូវីដមិនត្រឹមត្រូវចំនួន ១៨ លានទៀតផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ លោក បៃដិន ៖ ប្រព័ន្ធផ្សព្វផ្សាយសង្គមដែលបង្ហោះព័ត៌មានមិនពិត “កំពុងសម្លាប់មនុស្ស”
-
ចរាចរណ៍៣ ថ្ងៃ ago
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ ago
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ ago
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា១ សប្តាហ៍ ago
ភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ ago
លោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ ago
ឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ ago
អ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ ago
សង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់