ព័ត៌មានអន្ដរជាតិ

ថ្ងៃសេរីភាពទី១ ពលរដ្ឋអង់គ្លេសសប្បាយពេញទំហឹងតែម្តង

បានផុស

៤ years មុន

នៅ

ថ្ងៃអង្គារ ២០ កក្កដា ២០២១

ដោយ

ពលរដ្ឋអង់គ្លេសទូទាំងប្រទេសបានអបអរទិវាសេរីភាពទី១របស់ខ្លួនកាលពីថ្ងៃចន្ទកន្លងទៅនេះ បន្ទាប់ពីបំរាមកូវីដ-១៩សំខាន់ៗទាំងអស់ត្រូវបានបញ្ចប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាជនយ៉ាងច្រើនកុះករ ជាពិសេសយុវវ័យតែម្តងដើរកម្សាន្តស្ទើរគ្រប់ទីកន្លែងមានដូចជាផ្សារ ទីតាំងកម្សាន្ត ក្លឹបរាត្រីជាដើមបានជួបជុំ ជប់លៀងដល់យប់ជ្រៅ។ ចំណែកសាលការប្រគំតន្ត្រី Royal Albert Hall បានបើកផ្ទុកមនុស្សចូលទស្សនាពេញជាលើកដំបូងគិតចាប់តាំងពីខែមីនា ឆ្នាំ២០២០មក។

នៅក្នុងអ្វីដែលគេហៅថា ទិវាសេរីភាព រដ្ឋាភិបាលបានបញ្ចប់បំរាមសំខាន់ៗទាំងអស់ដែលត្រូវបានដាក់ចេញតាំងពីកូវីដ-១៩ចាប់ផ្តើមរាលដាលឡើង។ រយៈពេលជាង៤ខែ បន្ទាប់ពីផែនការរបស់រដ្ឋាភិបាលបានដាក់ចេញ លោកនាយករដ្ឋមន្ត្រី Boris Johnson បានបញ្ជាក់ថា ទីបំផុត ប្រទេសជាតិឈានដល់ទីបញ្ចប់នៃបំរាមដើម្បីមានសេរីភាពនៅថ្ងៃទី១៩ ខែកក្កដា។

ការបញ្ចប់បំរាមនេះមានន័យថា គោលការណ៍ច្បាប់ដែលតម្រូវឲ្យពាក់ម៉ាស់ និងគម្លាតសង្គម ឬក៏ការជួបជុំមនុស្សតិច ច្រើនក្តីលែងមានទៀតហើយ។

ជាលទ្ធផល ពលរដ្ឋត្រូវបានផ្តល់ភ្លើងខៀវដែលទន្ទឹងរង់ចាំយូរដើម្បីជួបជុំ ជប់លៀង រៀបចំពិធីសប្បាយៗទូទាំងប្រទេសទាំងក្នុង និងក្រៅផ្ទះបានមកដល់ដើម្បីអបអរទិវាសេរីភាព បន្ទាប់ពីបំរាមរឹតត្បិតត្រូវបានប្រើពេល១៦ខែ។

អ្នកដើរលេងកម្សាន្តភាគច្រើនត្រូវបានគេមើលឃើញថា លែងពាក់ម៉ាស់ការពារ។ ជាពិសេសទៀតនោះ ពួកគេមិនចាំបាច់បង្ហាញពីប័ណ្ណចាក់វ៉ាក់សាំងបង្ការកូវីដ-១៩ ឬឯកសារធ្វើតេស្តអវិជ្ជមានទេ។

ទីតាំងកម្សាន្តជាច្រើនមានដូចជា Fabric, E1, Ministry of Sound និង Egg ជាដើមនៅទីក្រុងឡុងដ៍ ក្លឹបកម្សាន្ត Pryzm in Brighton, Powerhouse Night Club នៅទីក្រុង Newcastle និងកន្លែងផ្សេងៗទៀតបើកអស់ហើយ៕