ព័ត៌មានអន្ដរជាតិ
ខេត្តភាគខាងលិចប្រទេស ថៃ ជួបព្យុះភ្លៀងខ្លាំងក្លា និងកំពុងបង្កឲ្យមានការបាក់ដី និងបាក់ដើមឈើកាត់ផ្លូវ
ផ្លូវហាយវ៉េមួយខ្សែនៅភាគខាងលិចប្រទេសថៃ ត្រូវបានរារាំងដោយដើមឈើដែលបាក់ និងការបាក់ដីនៅរវាងស្រុក Mae Ramat និងស្រុក Tha Song Yang នៃខេត្ត Tak ដោយសារតែមានព្យុះភ្លៀងខ្លាំងក្លាកាលពីយប់ថ្ងៃចន្ទ ។

ផ្លូវហាយវ៉េត្រូវបានបិទចរាចរនៅជិតបង្គោលគីឡូម៉ែត្រលេខ ៨១ នៅស្រុក Tha Song Yang និងរវាងស្រុក Ban Samae និងស្រុក Mae Tuen ក៏ដូចជាក្នុងភូមិ Mae Tuen នៅស្រុក Mae Ramat នៃខេត្ត Tak ភាគខាងលិចប្រទេសថៃ ។

ទន្ទឹមនោះ អភិបាលស្រុក Tha Song Yang និងស្រុក Mae Ramat បានស្នើសុំកងទ័ពឲ្យជួយ ហើយអង្គភាពអភិវឌ្ឍន៍ចល័តទី ៣៣ ត្រូវបានគ្រប់គ្រងភារកិច្ចនេះ ។

បន្ថែមពីនេះ មេបញ្ជាការអង្គភាពលោកវរសេនីយ៍ឯក Yossak Banthao បាននិយាយថា គ្រឿងម៉ាស៊ីនធុនធ្ងន់ និងទាហានត្រូវបានបញ្ជូនទៅកន្លែងទាំងពីរ ដើម្បីយកដើមឈើ និងគំនរដីភក់ចេញពីផ្លូវហាយវ៉េ ហើយផ្លូវហាយវ៉េនេះ ក៏បានបើកចរាចរឡើងវិញផងដែរនៅព្រឹកថ្ងៃអង្គារនេះ ។

ទោះយ៉ាងណាផ្នែកជាច្រើននៃផ្លូវហាយវ៉េ ត្រូវបានហូរច្រោះដោយទឹកហូរ និងកំពុងត្រូវការជួសជុល ខណៈអ្នកបញ្ជាយានយន្តត្រូវបានគេណែនាំឲ្យប្រុងប្រយ័ត្ន ៕

ប្រែសម្រួលដោយ ៖ ជីវ័ន្ត
ប្រភព ៖ Bangkok Post
ចុចអាន ៖ ថៃ នៅតែបន្តរកឃើញករណីឆ្លងកូវីដ ខ្ទង់ម៉ឺន និងស្លាប់ ៨០ នាក់ទៀត

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ