ផ្ទុះវិញហើយ! ឡាវ រកឃើញករណីឆ្លងកូវីដប្រចាំថ្ងៃច្រើនបំផុតមិនធ្លាប់មាន

ក្រសួងសុខាភិបាលប្រទេសឡាវនៅថ្ងៃអង្គារនេះ បានកត់ត្រានូវករណីឆ្លងប្រចាំថ្ងៃនៃជំងឺកូវីដ ១៩ ខ្ពស់បំផុតមិនធ្លាប់មានចំនួន ១៧០ ករណីក្នុងរយៈពេល ២៤ ម៉ោងចុងក្រោយ ។

អគ្គនាយករងនៃនាយកដ្ឋានប្រយុទ្ធនឹងជំងឺឆ្លង របស់ក្រសួងសុខាភិបាលប្រទេសឡាវលោក Sisavath Soutthaniraxay បានប្រាប់សន្និសីទកាសែតនៅថ្ងៃអង្គារនេះថា គណៈកម្មាធិការជាតិពិសេសសម្រាប់ការការពារ និងទប់ស្កាត់ជំងឺកូវីដ ១៩ បានរាយការណ៍ពីករណីនាំចូលចំនួន ១៧០ ករណី និងមិនមានករណីឆ្លងក្នុងសហគមន៍ឡើយ ។

ក្នុងចំណោមករណីនាំចូលទាំងនោះ មាន ៩៨ ករណីត្រូវបានកត់ត្រានៅខេត្ត Savannakhet, ៣៨ ករណីនៅខេត្ត Champasak, ២០ ករណីនៅខេត្ត Saravan, ១០ ករណីនៅរដ្ឋធានីវៀងចន្ទន៍ និង ៤ ករណីនៅខេត្ដ Khammuan ។

គួរបញ្ជាក់ថា គិតត្រឹមថ្ងៃអង្គារនេះ ចំនួនករណីឆ្លងជំងឺកូវីដ ១៩ នៅប្រទេសឡាវបានកើនឡើងដល់ ៣,៧១០ ករណី និងមានមនុស្សស្លាប់ចំនួន ៥ នាក់ ខណៈមានអ្នកជាសះស្បើយ ២,៤៨៣ នាក់ បន្ទាប់ពីប្រទេសមួយនេះ បានរកឃើញករណីឆ្លងដំបូងចំនួន ២ ករណីកាលពីថ្ងៃទី ២៤ ខែមីនា ឆ្នាំមុន ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ ពលករ​ ឡាវ​ មក​ពី ​ថៃ នាំ​​កូវីដចូល​ស្រុក​​ផ្ទុះ​ខ្លាំង​នៅ​ខេត្ត​ភាគ​ខាងត្បូង