ព័ត៌មានអន្ដរជាតិ
ទឹកជំនន់វាយប្រហារភាគកណ្តាលចិនសម្លាប់ និងប៉ះពាល់មនុស្សរាប់លាននាក់
ភ្លៀងធ្លាក់ខ្លាំងខុសពីធម្មតាបង្កជាទឹកជំនន់បានវាយប្រហារខេត្ត Henan ប្រទេសចិន ធ្វើឲ្យបាក់ច្រាំងទន្លេ បំផ្លិចបំផ្លាញប្រព័ន្ធដឹកជញ្ជូនសាធារណៈ និងធ្វើឲ្យប៉ះពាល់ដល់ជីវិតរស់នៅរបស់មនុស្សរាប់លាននាក់។
ទីភ្នាក់ងារសារព័ត៌មានរដ្ឋ Xinhua បានផ្សាយនៅថ្ងៃពុធនេះថា ហោចណាស់មនុស្ស១២នាក់បានបាត់បង់ជីវិតនៅទីក្រុង Zhengzhou ដែលកម្រិតទឹកជាង២០សង់ទីម៉ែត្រវាយប្រហាររយៈពេលមួយម៉ោងកាលពីថ្ងៃអង្គារ៍។ មនុស្សប្រហែល១០ម៉ឺននាក់ត្រូវបានជម្លៀសទៅកាន់ទីសុវត្ថិភាព។ ភ្លៀងធ្លាក់ដ៏អាក្រក់បានធ្វើឲ្យផ្អាកប្រព័ន្ធផ្លូវក្រោមដីរបស់ទីក្រុង បន្សល់ទុកអ្នកដំណើរជាច្រើននាក់ជាប់ដែលមានទឹកកម្ពស់ត្រឹមចង្កេះ។

ខេត្ត Henan ភ្លៀងបានចាប់ផ្តើមធ្លាក់ខ្លាំងកាលពីថ្ងៃទី១៧ ខែកក្កដា។ នៅថ្ងៃអង្គារ៍កន្លងទៅ អាជ្ញាធរអាកាសធាតុបានចេញសេចក្តីព្រមានពីកម្រិតទឹកខ្ពស់បំផុតរបស់ខេត្ត ហើយ ការព្យាករណ៍អាកាសធាតុចិនថា នឹងមានភ្លៀងធ្លាក់កាន់តែខ្លាំងថែមទៀត។
ចាប់ពីថ្ងៃសៅរ៍ដល់អង្គារ៍ ស្ថានីយ៍ឧតុនិយម៣៥៣៥កន្លែងនៅខេត្ត Henan ដែលជាខេត្តមួយមានប្រជាជនច្រើនបំផុតរបស់ចិនគឺប្រមាណ៩៤លាននាក់ត្រូវបានរាយការណ៍ថា មានភ្លៀងធ្លាក់ទូទាំងខេត្តលើសពី៥សង់ទីម៉ែត្រ។ ក្នុងចំណោមនោះ មានស្ថានីយ៍ចំនួន១៦១៤មានកម្រិតទឹកលើស១០សង់ទីម៉ែត្រ និង១៥១កន្លែងមានកម្រិត២៥សង់ទីម៉ែត្រ។
រូបភាពតាមបណ្តាញសង្គមចិនបង្ហាញថា វត្តសាវលិញដ៏ល្បីល្បាញទូទាំងពិភពលោកខាងក្បាច់គុន និងជាកន្លែងវប្បធម៌បានរងផលប៉ះពាល់យ៉ាងអាក្រក់។ អ្នកស្រុករាប់ពាន់នាក់នៅខេត្ត Henan បានអំពាវនាវតាមអនឡាញឲ្យជួយ ខណៈទឹកជំនន់បានផ្តាច់ប្រព័ន្ធអគ្គីសនី។
ទឹកជំនន់ជាករណីធម្មតានៅក្នុងរដូវធ្លាក់ភ្លៀងនៅប្រទេសចិន ប៉ុន្តែផលប៉ះពាល់កាន់តែអាក្រក់ៗទៅអស់រយៈពេលជាច្រើនទសវត្សរ៍ហើយ ដោយផ្នែកជាច្រើននៃការអភិវឌ្ឍនគរូបនីយកម្មយ៉ាងឆាប់រហ័សរបស់ចិន និងវិបត្តិអាកាសធាតុសកល។
ស្ថានភាពអាកាសធាតុដ៏អាក្រក់បានកើតមានឡើងនៅតាមផ្នែកជាច្រើននៅប្រទេសចិនក្នុងរដូវក្តៅនេះ។ មនុស្សរាប់លាននាក់នៅខេត្ត Sichuan ត្រូវបានផ្លាស់ទីលំនៅក្នុងខែនេះដោយសារទឹកឡើងខ្ពស់ និងរអិលបាក់ដី។

ជាមួយគ្នានេះកងទ័ពចិនបានព្រមានពីទំនប់វារីអគ្គីសនីមួយនៅភាគកណ្តាលប្រទេសអាចនឹងដួលរលំនៅពេលណាមួយ បន្ទាប់ពីកំពុងរងការខួចខាតជាច្រើនដោយសារព្យុះដែលបានសម្លាប់មនុស្ស និងធ្វើឲ្យតំបន់ជាប់គាំង៕
ប្រែសម្រួល៖ វីរបុត្រ
ប្រភព៖ AFP

-
ព័ត៌មានអន្ដរជាតិ៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម១ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?