វីដេអូស្ដែងៗ ស្ត្រីម្នាក់រួចជីវិតពីទឹកជំនន់ហូរត្របាញ់ ក្រោយការជួយសង្គ្រោះពីក្រុមអ្នកដំណើរនៅទីក្រុងភាគកណ្ដាល ចិន

មនុស្ស ១២ នាក់ត្រូវបានសម្លាប់នៅក្នុងប្រព័ន្ធផ្លូវដែកក្រោមដី នៃទីក្រុង Zhengzhou នៅពេលមានភ្លៀងធ្លាក់ខ្លាំងបានវាយប្រហារខេត្ត Henan ភាគកណ្តាលរបស់ប្រទេសចិន ។

ភ្លៀងធ្លាក់ខ្លាំងខុសពីធម្មតានេះ ក៏បានបង្ខំឲ្យមនុស្សរាប់ពាន់នាក់ជម្លៀសចេញពីផ្ទះរបស់ពួកគេ និងកំពុងបង្កហានិភ័យបាក់រលំទំនប់វារីអគ្គិសនីផងដែរ ។

ទន្ទឹមនោះ មានវីដេអូ និងរូបភាពជាច្រើន បានចែករំលែកនៅលើបណ្តាញសង្គមកាលពីថ្ងៃអង្គារបានបង្ហាញថា អ្នកដំណើរបានឈរនៅលើទឹក ហើយតោងបង្គោលមួយនៅក្រៅផ្លូវរថភ្លើងក្រោមដីរបស់ទីក្រុង Zhengzhou ខណៈអ្នកដំណើរផ្សេងទៀតបានថតវីដេអូ នៃទឹកឡើងនៅតាមផ្លូវ ។

វីដេអូនោះក៏បង្ហាញពីស្ត្រីម្នាក់ ត្រូវបានជួយសង្គ្រោះពីទឹកជំនន់ដែលកំពុងហូរត្របាញ់ ដោយក្រុមមនុស្សជាច្រើននាក់ តាមរយៈខ្សែពួរដែលបោះឲ្យនាងតោងនៅទីក្រុង Zhengzhou ដែលបានរងការវាយប្រហារដោយភ្លៀងធ្លាក់ខ្លាំង ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ទឹក​ជំនន់វាយប្រហារភាគកណ្តាល ចិន សម្លាប់​ និង​ប៉ះពាល់មនុស្សរាប់លាននាក់