ព័ត៌មានអន្ដរជាតិ
ស្លាប់កើនឡើង មនុស្សរាប់ពាន់ជម្លៀសចេញពីជំនន់ទឹកភ្លៀងអាក្រក់បំផុត១ពាន់ឆ្នាំចុងក្រោយនៅចិន
ភ្លៀងធ្លាក់ដ៏អាក្រក់ និងបង្កើតបានជាទឹកជំនន់ប៉ុន្មានថ្ងៃចុងក្រោយនេះបានវាយប្រហារយ៉ាងខ្លាំងទៅលើខេត្ត Henan ភាគកណ្តាលប្រទេសចិនដែលធ្វើឲ្យបាក់ដីច្រាំងទន្លេង ទំនប់ទឹកហូរហៀ និងប្រព័ន្ធដឹកជញ្ជូនក្រោមដីផ្អាកដំណើរការ ហើយបង្ខំឲ្យមនុស្សរាប់សិបពាន់នាក់ត្រូវបានជម្លៀសចេញពីផ្ទះ។
រហូតដល់ពេលនេះមនុស្សហោចណាស់២៥នាក់បានបាត់បង់ជីវិត និងមនុស្ស៧នាក់កំពុងបាត់ខ្លួននៅទីក្រុង Zhengzhou របស់ខេត្ត Henan បន្ទាប់ពីត្រឹមព្រឹកថ្ងៃអង្គារ៍ម្សិលមិញស្លាប់ត្រឹមតែ១២នាក់។
អាជ្ញាធរខេត្តបានចេញសេចក្តីព្រមានពីអាកាសធាតុអាក្រក់កម្រិតខ្ពស់បំផុត។ ភ្លៀងអាក្រក់បំផុតរហូតដល់កម្រិត៦៤០មីលីម៉ែត្រត្រឹមតែ៣ថ្ងៃប៉ុណ្ណោះ។ ការិយាល័យឧតុនិយមទីក្រុងបាននិយាយថា កម្រិតទឹកភ្លៀងជាង៥៥២មីលីម៉ែត្របានធ្លាក់ចន្លោះម៉ោង៧ល្ងាចថ្ងៃចន្ទដល់ម៉ោង៧ល្ងាចថ្ងៃអង្គារ៍។
តាមការផ្សាយរបស់សារព័ត៌មានរដ្ឋ Xinhua ថា មនុស្សប្រហែលជា២សែននាក់ត្រូវបានជម្លៀសចេញពីផ្ទះទៅកាន់ទីសុវត្ថិភាព។ ភ្លៀងធ្លាក់បង្កជាទឹកជំនន់បានហូរចូលទៅប្រព័ន្ធដឹកជញ្ជូនក្រោមដីដែលបង្ខំឲ្យផ្អាកដំណើរការ ហើយមនុស្សរាប់សិបនាក់បានជាប់គាំងនៅក្នុងនោះ។
នៅរសៀលថ្ងៃពុធ មន្ត្រីបានឲ្យដឹងថា ចំនួនស្លាប់ផ្លូវការបានកើនឡើងដល់២៥នាក់នៅខេត្ត Henan។ តួលេខនេះត្រូវបានគេជឿថារាប់បញ្ចូលទាំងករណីស្លាប់១២នាក់ដែលបានរាយការណ៍ផ្លូវការកាលពីថ្ងៃមុន និងមាន៤នាក់ទៀតនៅទីក្រុង Gongyi ខណៈ១៤នាក់ត្រូវបានជួយសង្គ្រោះពីទឹកវាយប្រហារ។
មន្ត្រីបញ្ជាក់ថា មនុស្ស១.២លាននាក់បានរងផលប៉ះពាល់ដោយសារទឹកជំនន់។
ចំនួនអ្នកស្លាប់ និងរបួសត្រូវបានគេរំពឹងថានឹងកើនឡើងថែមទៀត ខណៈក្រុមការងារសង្គ្រោះកំពុងបន្តប្រតិបត្តិការ។
សារព័ត៌មានចិនបានហៅការភ្លៀងធ្លាក់នេះគឺអាក្រក់បំផុតមិនធ្លាប់មានក្នុងរយៈពេល១០០០ឆ្នាំចុងក្រោយនេះ៕
ប្រែសម្រួល៖ វីរបុត្រ
ប្រភព៖ theguardian
លោក វ៉ី សំណាង៖ ម្លប់នៃសន្តិភាពផ្តល់ឱកាសវិនិយោគិនមកវិនិយោគក្នុងខេត្តតាកែវកាន់តែច្រើន
រដ្ឋមន្ត្រីធនធានទឹក ណែនាំប្រធានមន្ទីររាជធានី ខេត្តចាត់ក្រុមបច្ចេកទេសចុះពិនិត្យផលប៉ះពាល់សំណង់អាងទឹក ក្រោយមានគ្រោះរញ្ជួយដីនៅប្រទេសជិតខាង
ថៃ នៅតែរៀបចំពិធីបុណ្យសង្ក្រាន្ត ទូទាំងប្រទេសតាមគម្រោង ទោះរងគ្រោះរញ្ជួយដី
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី
ទស្សនីយភាពល្ខោនខ្មែរ ៤ប្រភេទនឹងត្រូវយកទៅសម្តែងក្នុងបុណ្យភូមិខាងមុខ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ