ព័ត៌មានអន្ដរជាតិ

ឈប់យល់ច្រឡំ! ថ្នាំទាំងនេះមិនអាចព្យាបាលកូវីដឲ្យជាសះស្បើយបាន ១០០ ភាគរយឡើយ

បានផុស

៤ years មុន

នៅ

ថ្ងៃសុក្រ ២៣ កក្កដា ២០២១

ដោយ

កូវីដកំពុងរាតត្បាតគ្រប់កន្លែង ប្រទេសខ្លះបានខិតខំស្រាវជ្រាវនូវរូបមន្តថ្មីៗ ដើម្បីយកមកប្រឆាំងនឹងជំងឺ។ ស្របពេលនេះដែរ មានភាគីខ្លះក៏មានរូបមន្តថ្នាំ អាចទប់ស្កាត់វីរុសបានមួយភាគធំ និងត្រូវបានចែករំលែកជាសារឬឃ្លីបនៅលើអ៊ីនធឺណិតពាសពេញ។

ខណៈថ្នាំខ្លះ អាចជួយទប់ស្កាត់រោគរាតត្បាតបានពិតមែន ប៉ុន្តែមិនមានន័យថា វាអាចជួយការពារមនុស្សមិនឲ្យឆ្លងឬជាសះស្បើយពីកូវីដបាន ១០០ ភាគរយឡើយ។

បើទោះបីជាមានការយល់ដឹងច្បាស់ តែក៏នៅមានមនុស្សមួយចំនួនបានយល់ច្រឡំ។

លោក Jessada សាស្ត្រាចារ្យផ្នែកជីវវិទ្យា នៃមហាវិទ្យាល័យវិទ្យាសាស្ត្រ សាកលវិទ្យាល័យ Chulalongkorn បានផ្ដល់អនុសាសន៍ថា ថ្នាំដែលត្រូវបានណែនាំភាគច្រើន គឺជាការផ្ដល់ជំនួយសង្គ្រោះដល់ប្រជាជនដែលរងគ្រោះដោយកូវីដ ។ ប៉ុន្តែមានថ្នាំមួយចំនួន មិនមែនជួយឲ្យជាសះស្បើយពីកូវីដឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ប៉ារ៉ាសេតាមុល អាចត្រូវបានគេបរិភោគ ដើម្បីបន្ថយការឈឺចាប់បន្ថយគ្រុនក្ដៅ ដែលជារោគសញ្ញា ប៉ុន្តែត្រូវប្រយ័ត្ន កុំឲ្យហួសកម្រិតនៃការប្រើប្រាស់។

២ វីតាមីន D និងស័ង្កសី ក្រុមនេះគឺជាវីតាមីនរ៉ែមួយក្រុម ដែលរាងកាយត្រូវការនិងជួយក្នុងការពង្រឹងប្រព័ន្ធភាពស៊ាំរបស់រាងកាយ។ ទោះយ៉ាងណាក៏ដោយ ប្រសិនបើអ្នកកំពុងរងគ្រោះពីកូវីដ នោះមិនមានភ័ស្តុតាងណាមួយដែលថា ការទទួលយកវីតាមីនរ៉ែមួយក្រុមនេះ ក្នុងបរិមាណដ៏ច្រើន នឹងជួយអ្នកឲ្យជាពីជំងឺបានលឿនឡើយ។ ទាំងនេះវាជាថ្នាំបំប៉នសុខភាព ដែលគួរទទួលទានតាមចំនួនដែលបានណែនាំនៅជាប់ដបប៉ុណ្ណោះ។

៣ ឱសថបុរាណ Andrographis paniculata បច្ចុប្បន្នគឺជាថ្នាំដ៏ពេញនិយមមួយ (ក្នុងប្រទេសថៃ) ដែលអាចប្រើដើម្បីបំបាត់អាការក្ដៅខ្លួន ដូចជា ថ្នាំប៉ារ៉ាសេតាមុល។ អ្វីដែលសំខាន់បំផុតនោះគឺ កុំទទួលទានបរិមាណច្រើន ក្នុងរយៈពេលយូរ ដើម្បីការពារជំងឺឲ្យសោះ។

៤ ថ្នាំ NAC គឺជាថ្នាំដែលត្រូវបានប្រើដើម្បីរំលាយកំហាក ដូច្នេះប្រសិនបើមានជំងឺស្លេះ វាអាចត្រូវបានគេប្រើដើម្បីញ៉ាំ។ ប៉ុន្តែប្រសិនបើមិនចាំបាច់ទេ កុំបរិភោគវាឲ្យសោះ។

តើធ្វើដូចម្ដេចដើម្បីថែរក្សាខ្លួនឯង ប្រសិនបើយើងឆ្លងកូវីដនិងតម្រូវឲ្យព្យាបាលនៅផ្ទះ។

ព្យាបាលនៅផ្ទះ កុំឲ្យឆ្លងដល់អ្នករស់នៅជាមួយ សូមអនុវត្តវិធានការខាងក្រោមនេះ៖

ដាក់ខ្លួននៅដាច់ដោយឡែក ពីគ្រួសារនៅក្នុងបន្ទប់ (មានខ្យល់ចេញចូលល្អ និងមានបន្ទប់ទឹក /បង្គន់ខាងក្នុង) ត្រូវពាក់ម៉ាសជាប់ជានិច្ច លាងដៃជាមួយអាល់កុល ឬ ជាមួយសាប៊ូនិងទឹកជាប្រចាំ។

រក្សាគម្លាតពីសមាជិកគ្រួសារយ៉ាងតិច ២ ម៉ែត្រ បើត្រូវពិភាក្សាគ្នា។ បរិភោគអាហារ និង ប្រើប្រាស់សម្ភារៈបរិក្ខារដាច់ដោយឡែកពីគ្រួសារ បរិភោគអាហារដែលមានជីវជាតិគ្រប់គ្រាន់។

ហាមជក់បារី ផឹកស្រា ឬ គ្រឿងស្រវឹងផ្សេងៗ និងតាមដានសុខភាពផ្ទាល់ខ្លួន (វាស់កំដៅរៀងរាល់ព្រឹក និង ល្ងាច) ថែរក្សាសុខភាពផ្លូវកាយ និង ផ្លូវចិត្ត។

ខ្ចប់សំណល់ពីការប្រើប្រាស់ ក្នុងក្បឿងប្លាស្ទិកឲ្យបានត្រឹមត្រូវ និងដាក់ដាច់ដោយឡែកពីសំរាមរបស់ សមាជិកគ្រួសារដទៃទៀត។ ជាពិសេសត្រូវទុកឲ្យមានសុវត្ថិភាពរយៈពេល ៧២ ម៉ោង មុននឹងយកទៅដាក់ នៅកន្លែងប្រមូលសំរាម។

រក្សាទំនាក់ទំនងជាមួយគ្រូពេទ្យ ព្យាបាលតាមរយៈទូរសព្ទ ឬ បណ្តាញសង្គមរាល់ថ្ងៃ បើមានសញ្ញាអាសន្នដូចជា៖ ហត់ ឬ ពិបាកដកដង្ហើមឈឺទ្រូងខ្លាំង និង ភ្លាមៗវង្វេងស្មារតី(ទើបកើតថ្មីៗ) បាត់មាត់បាត់ក ត្រូវឆាប់ទាក់ទងមកគ្រូពេទ្យព្យាបាលជាបន្ទាន់ ឬទំនាក់ទំនងមកមណ្ឌលប្រតិបត្តិការស្រុក-ខណ្ឌ សម្រាប់ព្យាបាលកូវីដ តាមផ្ទះ ឬទាក់ទងទៅទូរសព្ទទាន់ហេតុការណ៍ ១២២២ ដោយឥតគិតថ្លៃ៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖ឱសថរុក្ខជាតិ ពិតជាអាចការពារកូវីដបានពិតមែន ឬបង្កគ្រោះថ្នាក់ដល់រាងកាយ?

ចុចអាន៖វិធីថែទាំសុខភាពឲ្យរឹងមាំ មុនតេស្តរហ័សរកកូវីដ ដោយមិនមានការឈឺចាប់ឬភ័យខ្លាច

ចុចអាន៖មិនចង់ក្លាយជាអ្នកចម្លងទៅអ្នកផ្សេង មកដឹងពីរបៀបទុកដាក់សំរាមរបស់អ្នកជំងឺកូវីដតាមផ្ទះ

Related Topics: