ព័ត៌មានអន្ដរជាតិ
ឃើញស្ថានភាពបច្ចុប្បន្នធ្ងន់ធ្ងរទៅៗ គ្រូពេទ្យជំនាញព្យាករណ៍ថា កូវីដនៅ ថៃ នឹងបន្តរាលដាលមួយឆ្នាំ ឬច្រើនឆ្នាំទៀត
ដោយផ្អែកលើសកម្មភាពដែលរដ្ឋាភិបាល និងប្រជាជនថៃធ្វើនាពេលនេះ ប្រធានអគ្គនាយកដ្ឋានសេវាវេជ្ជសាស្រ្តថៃលោកវេជ្ជបណ្ឌិត Somsak Ankasil ព្យាករណ៍ថា ជំងឺកូវីដ ១៩ អាចបន្តច្រើនខែ ឬអូសបន្លាយមួយឆ្នាំទៀត ។

នៅក្នុងសារជាវីដេអូមួយលោកបាននិយាយថា កត្តាជាច្រើននឹងជះឥទ្ធិពលដល់អនាគតរបស់យើង និងអនាគតនៃជំងឺរាតត្បាតកូវីដ ១៩ នៅក្នុងព្រំដែននៃប្រទេសថៃ ។ ប្រសិនបើដោះស្រាយបានល្អ លោកជឿជាក់ថា ជំងឺកូវីដ ១៩ អាចត្រូវបានគ្រប់គ្រងក្នុងរយៈពេលប្រហែល ៣ ខែ ឬអាចតិចជាង ១ ខែ ។
លោកបន្តថា ប៉ុន្តែប្រសិនបើដោះស្រាយមិនត្រឹមត្រូវ ឬមានបញ្ហា និងឧបសគ្គកាន់តែច្រើនកើតឡើងនោះ ជំងឺកូវីដ ១៩ អាចរាតត្បាតមួយឆ្នាំ ឬច្រើនឆ្នាំទៀត ។

លោក Somsak ក៏បានអំពាវនាវឲ្យមានសាមគ្គីភាព និងការគាំទ្រនៅក្នុងសារនោះផងដែរ ដោយលោកបាននិយាយថា ប្រជាជនមកពីគ្រប់វិស័យទាំងអស់ ត្រូវតែរួមគ្នាដើម្បីជម្នះឧបសគ្គរបស់ជំងឺកូវីដ ១៩ បន្ទាប់ពីយើងបានប្រឈមជាមួយវា មួយឆ្នាំកន្លះមកហើយ ។
លោកអគ្គនាយករូបនេះ ក៏បានសង្កត់ធ្ងន់ពីភាពចាំបាច់សម្រាប់អ្នករស់នៅក្នុងប្រទេសថៃ ឲ្យមានការប្រុងប្រយ័ត្នខ្ពស់ និងប្តេជ្ញាចិត្តចំពោះសុវត្ថិភាព នៅពេលដែលជំងឺរាតត្បាតរាលដាលរយៈពេល ១៨ ខែហើយ ។

ទន្ទឹមនោះ លោកក៏បានអំពាវនាវឲ្យបន្តពាក់ម៉ាស គម្លាតសង្គម និងធ្វើតាមតម្រូវការ និងការរឹតបន្តឹងទាំងអស់ ដើម្បីសុវត្ថិភាពរបស់ប្រជាជនទូទៅ ។
ជាចុងក្រោយ លោកបានទទួលស្គាល់ថា ពលរដ្ឋដែលធ្លាប់តស៊ូរួមគ្នា និងទទួលយកការរឹតត្បិតកាលពីពេលកន្លងមកនោះ បានបាត់បង់ការអត់ធ្មត់ មានភាពអន្ទះអន្ទែង និងមិនសប្បាយចិត្ត ដោយសារតែស្ថានភាពកូវីដនៅប្រទេសថៃនាពេលនេះ កាន់តែអាក្រក់ទៅៗ ៕

ប្រែសម្រួលដោយ ៖ ជីវ័ន្ត
ប្រភព ៖ Thaiger
ចុចអាន ៖ ថៃ ដល់ដំណាក់កាលបែងចែកអុកស៊ីសែន រើសអ្នកជំងឺកូវីដណាត្រូវព្យាបាល និងទុកឲ្យស្លាប់

-
ព័ត៌មានអន្ដរជាតិ៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?