អាមេរិក កំពុងបញ្ជូនយន្តហោះចម្បាំង F-22 ច្រើនគ្រឿងទៅតំបន់ប៉ាស៊ីហ្វិក ជាសារផ្ញើទៅ ចិន

យោងតាមសារព័ត៌មាន CNN បានរាយការណ៍ថា កងទ័ពអាកាសសហរដ្ឋអាមេរិក កំពុងបញ្ជូនយន្ដហោះចម្បាំង F-22 ប្រមាណ ២៥ គ្រឿងទៅធ្វើសមយុទ្ធនៅតំបន់ប៉ាស៊ីហ្វិកភាគខាងលិច ។

អ្នកវិភាគនិយាយថា ការបញ្ជូនយន្ដហោះជាច្រើនគ្រឿងនេះ គឺជាការផ្ញើសារយ៉ាងច្បាស់ទៅប្រទេសចិន នៅពេលភាពតានតឹងរវាងទីក្រុងប៉េកាំង និងទីក្រុងវ៉ាស៊ីនតោនកាន់តែកើនឡើង ។

លោក Carl Schuster អ្នកវិភាគផ្នែកការពារជាតិបានប្រាប់ CNN ថា “កងទ័ពអាកាសកំពុងបង្ហាញថា ខ្លួនអាចពង្រាយយន្ដហោះជំនាន់ទី ៥ ពី ២០ ទៅ ២៤ គ្រឿងចូលទៅក្នុងប្រទេសចិន ខណៈសហរដ្ឋអាមេរិកមានយន្ដហោះចម្បាំង F-22 ប្រហែល ១៨០ គ្រឿង” ។

លោកបាននិយាយថា យន្តហោះប្រហែល ២៥ គ្រឿងដែលនឹងត្រូវបញ្ជូនទៅកោះហ្គាម និងកោះ Tinian ដើម្បីចូលរួមក្នុងប្រតិបត្តិការប៉ាស៊ីហ្វិកឆ្នាំ ២០២១ ។

ការធ្វើសមយុទ្ធនេះ នឹងដំណើរការនៅក្នុងវាលយន្តហោះតូចៗ នៅលើកោះនៅជុំវិញកោះប៉ាស៊ីហ្វិកខាងលិច ។

គួរបញ្ជាក់ថា យន្តហោះចម្បាំង F-22 ត្រូវបានគេចាត់ទុកថាជាយន្តហោះចម្បាំងជំនាន់ទី ៥ នៅក្នុងបញ្ជីសារពើភ័ណ្ឌនៃកងទ័ពអាកាស និងជាយន្តហោះចម្បាំងមួយក្នុងចំណោមយន្តហោះចម្បាំងទំនើបបំផុតក្នុងគេហទំព័រ Military.com ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ “សង្គ្រាមបច្ចេកវិទ្យា” រវាង អាមេរិក និងចិន កំពុងធ្វើឲ្យពិភពលោកខាតបង់