ព័ត៌មានអន្ដរជាតិ
មេដឹកនាំអាមេរិកចុះហត្ថលេខាបញ្ចប់បេសកកម្ម១៨ឆ្នាំនៅអ៉ីរ៉ាក់
លោកប្រធានាធិបតីសហរដ្ឋអាមេរិក ចូ បៃដិន និងលោកនាយករដ្ឋមន្ត្រីអ៉ីរ៉ាក់ Mustafa al-Kadhimi នៅថ្ងៃចន្ទ ទី២៦ ខែកក្កដា បានចុះហត្ថលេខាលើកិច្ចព្រមព្រៀងជាផ្លូវការមួយដើម្បីបញ្ចប់បេសកកម្មប្រយុទ្ធរបស់អាមេរិកនៅអ៉ីរ៉ាក់ត្រឹមបំណាច់ឆ្នាំ២០២១នេះ បន្ទាប់ពីកម្លាំងអាមេរិកចូលលុកលុយប្រទេសនេះរយៈពេល១៨ឆ្នាំ។
គួបផ្សំនឹងការដកកម្លាំងទ័ពអាមេរិករបស់លោក បៃដិន ចេញពីប្រទេសអាហ្វហ្គានីស្ថានត្រឹមចុងខែសីហាខាងមុខនេះ លោកប្រធានាធិបតីប្រជាធិបតេយ្យកំពុងបញ្ចប់បេសកម្មសង្គ្រាមអាមេរិកក្នុងប្រទេសទាំងពីរដែលពេលនោះស្ថិតក្រោមប្រធានាធិបតី George W Bush ដែលលោក បៃដិន ជាអ្នកឃ្លាំមើល។
លោក ចូ បៃដិន និងលោក Kadhimi បានជួបគ្នានៅការិយាល័យប្រធានាធិបតីអាមេរិកក្នុងសេតវិមានដែលជាការជួបគ្នាផ្ទាល់លើកដំបូងក្នុងផ្នែកនៃកិច្ចពិភាក្សាយុទ្ធសាស្ត្ររវាងសហរដ្ឋអាមេរិក និងអ៉ីរ៉ាក់។
លោក បៃដិន បានប្រាប់អ្នកកាសែតក្រោយពេលជួបលោក Kadhimi ថា ៖«តួនាទីរបស់យើងនៅប្រទេសអ៉ីរ៉ាកនឹងនៅតែបន្តមានគឺបន្តបណ្តុះបណ្តាល ឧបត្ថម្ភគាំទ្រ និងដោះស្រាយជាមួយ ISIS ប៉ុន្តែយើងនឹងមិនបន្តទេសម្រាប់បេសកកម្មប្រយុទ្ធគឺត្រូវបញ្ចប់ត្រឹមបំណាច់ឆ្នាំនេះ»។
សព្វថ្ងៃ កងកម្លាំងទ័ពអាមេរិកចំនួន២៥០០នាក់ស្ថិតនៅប្រទេសអ៉ីរ៉ាក់ដោយផ្តោតលើការប្រឆាំងនឹងរដ្ឋឥស្លាមនិយមដែលសេសសល់។ តួនាទីរបស់អាមេរិកនឹងផ្លាស់ប្តូរទាំងស្រុងទៅជាជំនួយផ្នែកការបណ្តុះបណ្តាល និងប្រឹក្សាដល់ទាហានអ៉ីរ៉ាក់ពីរបៀបការពារខ្លួន។
ការផ្លាស់ប្តូរនេះត្រូវបានគេរំពឹងថា នឹងមិនមានផលប៉ះពាល់ធំដុំទេ ដោយសារអាមេរិកបានផ្លាស់ប្តូររួចទៅហើយដោយផ្តោតលើការបណ្តុះបណ្តាលដល់កម្លាំងទ័ពអ៉ីរ៉ាក់។
កម្លាំងចម្រុះដឹកនាំដោយអាមេរិកបានចូលលុកលុយអ៉ីរ៉ាក់ក្នុងខែមីនា ឆ្នាំ២០០៣ដោយផ្អែកលើការចោទប្រកាន់ចំពោះរដ្ឋាភិបាលរបស់មេដឹកនាំអ៉ីរ៉ាក់ Saddam Hussein ថា មានអាវុធប្រល័យលោក។ បន្ទាប់មក លោក Saddam ត្រូវបានបណ្តេញចេញពីអំណាច ប៉ុន្តែអាវុធដែលចោទប្រកាន់នោះរកមិនឃើញ៕
ប្រែសម្រួល៖ វីរបុត្រ
ប្រភព៖ Reuters
មន្ទីរពិសោធន៍នៅ អាហ្វ្រិក កំពុងមានហានិភ័យ ធ្លាយចេញមេរោគសាហាវៗ
មន្ទីរពេទ្យក្នុងជំរំជនភៀសខ្លួនថៃត្រូវបិទ ខណៈអាមេរិកផ្អាកជំនួយ
វិបត្តិស្បៀងអាហារនៅអាហ្វហ្គានីស្ថានកាន់តែធ្ងន់ធ្ងរ ក្រោយត្រាំផ្អាកជំនួយទៅបរទេស
ណុប ដាណេ ៖ ទំពាំងដ៏ល្អរបស់កម្ពុជា ក្នុងវិស័យរ៉េប “ព្រះអាទិត្យ ព្រះចន្ទ”
តើស្ថាប័ន CIO ជាអ្វី និងថាតើហេតុអ្វីទើប លោក Yoon មិនសហការជាមួយ ខណៈអ្នកគាំទ្រYoon កើនឡើងយ៉ាងឆាប់រហ័ស?
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
ត្រឹម ២៥ ម៉ោង “ថីអ្ហែងថី” របស់លោក G-Devith មានអ្នកទស្សនា ១០ លានដង បំបែកកំណត់ត្រាដើមឆ្នាំ ២០២៥
បុរសម្នាក់ ដុតផាវលេងមិនប្រយ័ត្ន ផ្ទុះបែកប្រអប់ដៃម្ខាង នៅខេត្តមណ្ឌលគិរី
ថ្ងៃសែនចូលឆ្នាំចិន វៀតណាម អគ្គិភ័យកើតឡើង៤លើកក្នុងភូមិសាស្ត្ររាជធានីភ្នំពេញ
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ១០ ម៉ោង agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ១ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ២៤ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៦ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង