ពូអ្នករកស៊ីកប់ខ្មោច ក្មួយអ្នករំលោភសាកសព – Kampuchea Thmey Daily
Connect with us

ព័ត៌មានអន្ដរជាតិ

ពូអ្នករកស៊ីកប់ខ្មោច ក្មួយអ្នករំលោភសាកសព

Published

on

ក្មួយប្រុសរបស់អ្នកកប់ខ្មោចម្នាក់ត្រូវបានប៉ូលិសក្រុង ដាកា ចាប់ខ្លួនពីបទសង្ស័យរួមភេទជាមួយសាកសពស្ត្រីជាច្រើននាក់នៅឯកន្លែងបញ្ចុះសពមួយក្នុងប្រទេសបង់ក្លាដែស។

លោក Munna Vhakta អាយុ២០ឆ្នាំត្រូវបានចោទប្រកាន់ថា បានប្រព្រឹត្តទង្វើដ៏គួរឲ្យស្អប់ខ្ពើនេះរយៈពេលជាងមួយឆ្នាំខណៈពេលកំពុងធ្វើការជាជំនួយការរបស់ពូ។

មន្ទីរពេទ្យ Shaheed Suhrawardy Medical College

គាត់ត្រូវបានឃាត់ខ្លួនបន្ទាប់ពីការធ្វើតេស្ត DNA ដែលគេយកចេញពីសាកសពនៅឯទីបញ្ចុះសពមន្ទីរពេទ្យ Shaheed Suhrawardy Medical College ក្នុងរដ្ឋធានី បង់ក្លាដែស។

របាយការណ៍បាននិយាយថា បុគ្គលិកកន្លែងបញ្ចុះសពរូបនេះកំពុងប្រឈមមុខនឹងការចោទប្រកាន់ពីបទរួមភេទជាមួយសាកសពបន្ទាប់ពីមានការផ្តល់ព័ត៌មានដល់ប៉ូលិសនៅក្នុងប្រទេសឥណ្ឌា។

អ្នករំលោភសាកសពឈ្មោះ Munna Vhakta

គាត់ត្រូវបានគេបង្ហាញឈ្មោះថាជាក្មួយប្រុសរបស់អ្នកកប់ខ្មោចមន្ទីរពេទ្យលោក Jatan Kumar ដែលបានធ្វើការជាជំនួយការរបស់គាត់អស់រយៈពេល២ឆ្នាំ។

ជំនួយការស្នងការប៉ូលិស CID លោក Jisan Ul Haque បានប្រាប់កាសែត New Age ថា គាត់ត្រូវបានចាប់ខ្លួនពាក់ព័ន្ធបទឧក្រិដ្ឋកម្មដែលបានកើតឡើងចាប់ពីខែមីនាឆ្នាំ២០១៩ដល់ខែសីហាឆ្នាំនេះ។

លោកបានបន្ថែមទៀតថា ការរួមភេទជាមួយសាកសពគឺជាឧក្រិដ្ឋកម្មធ្ងន់ធ្ងរនិងគួរឲ្យស្អប់ខ្ពើមបំផុត។

ទោះបីជាយ៉ាងណាក៏ដោយ ប៉ូលិសមិនបានបញ្ជាក់អំពីចំនួនសាកសពដែលគាត់រំលោភទេ៕

ប្រែសម្រួលដោយ៖ Vann Vann

ប្រភព៖ Daily Star

ចុចអាន៖ រួមភេទ​ជា​មួយ​អនីតិជន​ដប់​ប្រាំ​ថ្ងៃ​ក្រោយ​ត្រូវ​សមត្ថកិច្ច​ឃាត់​ខ្លួន

ចុចអាន៖ កុមារី​ពីរ​នាក់​បងប្អូន ត្រូវ​ឪពុកចុងរំលោភ

ចុច Like Facebook កម្ពុជាថ្មី

ព័ត៌មានពេញនិយម