ព័ត៌មានអន្ដរជាតិ
កូវីដធ្វើឲ្យបុគ្គលិកយោធាមីយ៉ាន់ម៉ាវេទនាជាងប្រជាជនធម្មតាទៀត
កងកម្លាំងយោធា និងទាហានមីយ៉ាន់ម៉ាកំពុងជួបបញ្ហាលំបាកជាងប្រជាជនធម្មតាទៀត ដោយសារខ្វះការព្យាបាលដិតដល់ និងមិនអាចចេញក្រៅរកអ្វីបាន សូម្បីតួលេខស្លាប់ ឬឆ្លងក៏គេមិនឲ្យដឹងដែរ។
ក្រុមប្រឹក្សារដ្ឋបាលរដ្ឋ (SAC) ដែលជាស្ថាបនគ្រប់គ្រងរបបយោធាមីយ៉ាន់ម៉ាបានកំណត់មិនឲ្យបង្ហាញតួលេខស្លាប់ដោយកូវីដ-១៩ដល់កម្លាំងយោធាឡើយ បើទោះជាករណីឆ្លងកំពុងរាលដាលខ្លាំង។
យោធាវ័យថ្នាក់ទាបដែលឆ្លងកូវីដ និងក្រុមគ្រួសាររបស់ពួកគេមិនទទួលបានការព្យាបាលនៅមន្ទីរពេទ្យទាហានទេ ប្រសិនបើអាការរបស់ពួកគេមិនធ្ងន់ធ្ងរខ្លាំង។ បន្ទាប់មកពួកគេត្រូវបានដាក់នៅដាច់ដោយឡែក។
យោធាម្នាក់មកពីកងវរសេនាតូចនៅតំបន់ Meiktila ក្នុងរដ្ឋ Mandalay បាននិយាយថា ៖«ករណីឆ្លង៤នាក់ត្រូវបានរកឃើញក្នុងអង្គភាពខ្ញុំ ហើយទាហានជាច្រើនបានឈឺ។ ប៉ុន្តែមេបញ្ជាការមិនខ្វល់ទេ។ ពួកគេត្រូវបានបញ្ជូនទៅពេទ្យទាហាននៅពេលពួកគេពិបាកដកដង្ហើមខ្លាំង»។
យោធារូបនេះបន្តថា ៖«នៅមន្ទីរពេទ្យ ពួកគេមិនទទួលបានការព្យាបាលទេ។ ក្រុមវេជ្ជបណ្ឌិតគ្រាន់ប្រាប់ថា នៅឲ្យរឹងមាំ។ ពួកគេបានទិញថ្នាំខ្លួនឯង។ ពួកគេត្រូវបានធ្វើតេស្ត បន្ទាប់ពីពីរសប្តាហ៍ និងរំសាយចេញ បើអវិជ្ជមាន»។
ករណីឆ្លងកូវីដ-១៩បានកំពុងរាតត្បាតខ្លាំងដែលត្រូវបានរាយការណ៍នៅក្នុងអង្គភាពយោធាក្នុងទីក្រុងយ៉ាំងហ្គោន។
យោធាម្នាក់ដែលត្រូវបានចាត់ឲ្យជួយអ្នកជំងឺនៅពេទ្យទាហានក្នុងក្រុងយ៉ាំងហ្គោនបានឲ្យដឹងថា នៅពេលយោធា និងក្រុមគ្រួសាររបស់ពួកគេក្តៅខ្លួន និងលែងដឹងក្លិនត្រូវបានបញ្ជាឲ្យនៅដាច់ដោយឡែក។
អង្គភាពមួយចំនួននៅក្រុងយ៉ាំងហ្គោនត្រូវបានបិទ និងស្ថិតក្រោមបំរាម។ យោធាជាង៣០០នាក់នៅរោងចក្រអាវុធជាតិផ្ទុះមួយនៅមាត់ទន្លេ Pyay ក្នុងតំបន់ Bago Region បានឆ្លងកូវីដ-១៩ និងបានស្លាប់៩នាក់កាលពីសប្តាហ៍មុន។
ប៉ុន្តែយោធាមីយ៉ាន់ម៉ាបានចុះបញ្ជីផ្លូវការនៃការស្លាប់ដោយកូវីដ-១៩តែ២នាក់ប៉ុណ្ណោះ។ ទោះបីជាករណីឆ្លងកាន់តែអាក្រក់ ក៏បុគ្គលិកយោធាត្រូវបានបង្ខំឲ្យធ្វើការនៅរោងចក្រ។ នេះបើតាមការផ្សាយរបស់សារព័ត៌មានឯករាជ្យ«សំឡេងប្រជាធិបតេយ្យមីយ៉ាន់ម៉ា»។
លោក Nyi Thuta ប្រធានក្រុមម្នាក់បាននិយាយថា ទាហានកំពុងស្វែងការជួយពីមន្ត្រីធ្វើកុប្បកម្ម ដោយសាររបបយោធាមិនបានយកចិត្តទុកដាក់ក្នុងការព្យាបាលដល់ពួកគេ។
លោកថា ៖«ទាហានមិនអាចធ្វើអ្វីបានទេ។ ពួកគេស្ថិតក្នុងដៃរបស់យោធា។ មនុស្សធម្មតាអាចស្វែងរកអ៊ុកស៊ីសែនបាន តែទាហានមិនអាចចេញក្រៅរកអ្វីជួយខ្លួនបានទេ។ ពួកគេប្រាប់ខ្ញុំថា ពួកគេមិនអាចធ្វើអ្វីបាន ក្រៅពីរង់ចាំឆ្លងកូវីដ»។
ទោះបីជាកងយោធាបានបង្ហាញពីករណីឆ្លង និងស្លាប់ច្រើនទាំងបុគ្គលិក និងគ្រួសារ ក៏ឥឡូវនេះទិន្នន័យនៃការស្លាប់មិនត្រូវបានគេបង្ហាញឲ្យដឹងឡើយ។
យោងយតាមការផ្សាយរបស់សារព័ត៌មានក្នុងស្រុក Myanmar Now កាលពីថ្ងៃអាទិត្យដោយស្រង់សំដីពេទ្យទាហាននៅមន្ទីរពេទ្យថា យ៉ាងហោចណាស់ បុគ្គលិកទាហាន និងសាច់ញាតិរបស់ពួកគេ១០នាក់បានកំពុងស្លាប់ជារៀងរាល់ថ្ងៃនៅពេទ្យទាហានក្នុងទីក្រុង Mandalay ដោយសារខ្វះអ៊ុកស៊ីសែន និងវេជ្ជបណ្ឌិត។
ពេទ្យទាហានឈ្មោះ Min Maung Maung បាននិយាយថា ៖«ទោះជាពួកគេបានប្រតិបត្តិការព្យាបាល ក៏ពួកគេមិនអាចទប់ទល់បានដែរ ពីព្រោះកូវីដផ្ទុះខ្លាំង។ ខ្ញុំចង់សួរថា តើពួកគេកំពុងធ្វើអ្វី? ពួកគេមិនគ្រប់គ្រងស្ថានភាពឆ្លងនៅក្នុងជួរយោធា ហើយមិនផ្តល់ការព្យាបាលឲ្យបានសមរម្យថែមទៀត។ ពួកគេចេះតែនិយាយថា ពួកគេកំពុងដោះស្រាយ តែមិនពិតទេ»។
ការឆ្លងកូវីដ-១៩ក៏ត្រូវបានគេដឹងថាកើតមានក្នុងចំណោមមេដឹកនាំយោធាថ្នាក់ខ្ពស់ដែរ។ អនុរដ្ឋមន្ត្រីក្រសួងមហាផ្ទៃ និងស្នងការនគរបាលលោក Than Hlaing និងភរិយា ព្រមទាំងភរិយា និងកូនរបស់ឧត្តមសេនីយ៍ឯក Myo Zaw Thein ត្រូវបានគេរាយការណ៍កំពុងព្យាបាលកូវីដ-១៩នៅពេទ្យទាហាន។
ជាមួយគ្នានេះ ករណីឆ្លងក៏រាតត្បាតខ្លាំងក្នុងចំណោមកម្លាំងប៉ូលិស ដែលតាមការផ្សាយរបស់ព័ត៌មានឯករាជ្យថា ប៉ូលិសប្រហែល ១០ ០០០នាក់បានឆ្លងទូទាំងប្រទេស៕
ប្រែសម្រួល៖ វីរបុត្រ
ប្រភព៖ irrawaddy
អ្នកជំនាញ៖ វត្តមានជនបរទេសចូលរួម “សំណេរអង្គរ” បង្ហាញពីការស្រឡាញ់ និងការលើកស្ទួយអក្សរសាស្ត្រខ្មែរលើឆាកអន្តរជាតិ
កម្ពុជាបានចំណាយជាង២,៦៩ពាន់លានដុល្លារនាំចូលប្រេងឥន្ធនៈ និងប្រេងម៉ាស៊ូតក្នុងឆ្នាំ២០២៤
រដ្ឋមន្ត្រីមហាផ្ទៃបង្ហើបពីការសិក្សាកែសម្រួលការជ្រើសរើស និងលក្ខណៈសម្បត្តិថ្នាក់ដឹកនាំភូមិ
Justin ស្រាប់តែ Unfollow ភរិយានិងប៉ាក្មេក ខណៈគេសង្ស័យថា ចំណងអាពាហ៍ពិពាហ៍រង្គោះរង្គើ
ឥណ្ឌូណេស៊ីពិន័យ Google ជាង ១២ លានដុល្លារ ដោយចោទពីបទ «អនុវត្តអាជីវកម្មមិនស្មើភាពគ្នា»
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់