ព័ត៌មានអន្ដរជាតិ
UN ព្រមានមីយ៉ាន់ម៉ានឹងក្លាយជាកន្លែងឆ្លងកូវីដធ្ងន់ធ្ងរបំផុត
អ្នករាយការណ៍ពិសេសអង្គការសហប្រជាជាតិប្រចាំប្រទេសមីយ៉ាន់ម៉ាបានព្រមានប្រទេសនេះស្ថិតក្នុងហានិភ័យនៃការក្លាយជាកន្លែងឆ្លងកូវីដ-១៩ខ្លាំងបំផុតទូទាំងតំបន់ និងបានជំរុញឲ្យក្រុមប្រឹក្សាសន្តិសុខអំពាវឲ្យមានបទឈប់បាញ់គ្នា។
ប្រទេសអាស៊ានមួយនេះកំពុងប្រឈមនឹងការផ្ទុះឆ្លងកូវីដដ៏ធ្ងន់ធ្ងរបំផុតរបស់ខ្លួន ស្របនឹងវិបត្តិនយោបាយ និងសេដ្ឋកិច្ចកំពុងដុនដាបដោយសាររដ្ឋប្រហារកាលពីខែកុម្ភៈ។ កម្មវិធីចាក់វ៉ាក់សាំងលែងដំណើរការ ការធ្វើតេស្តដួលរលំ និងមន្ទីរពេទ្យរដ្ឋាភិបាលដំណើរការមិនល្អថែមទៀត។
ក្រុមវេជ្ជបណ្ឌិតដែលចេញមុខតវ៉ាប្រឆាំងយោធា និងបដិសេធទៅធ្វើការឲ្យមន្ទីរពេទ្យរដ្ឋត្រូវបានបង្ខំព្យាបាលអ្នកជំងឺជាអាថ៌កំបាំង ពីព្រោះពួកគេប្រឈមនឹងការធ្វើបាប ឬចាប់ខ្លួនពីយោធា។
លោក Tom Andrews អ្នករាយការណ៍ពិសេសរបស់អង្គការសហប្រជាជាតិស្តីពីសិទ្ធិមនុស្សនៅមីយ៉ាន់ម៉ាបានឲ្យដឹងថា ចំនួនឆ្លង និងស្លាប់ដោយកូវីដ-១៩នៅមីយ៉ាន់ម៉ាមិនច្បាស់ទេ។ គោលដៅលើអ្នកកាសែត និងក្រុមវេជ្ជបណ្ឌិត ដូច្នេះពិបាកទទួលបានព័ត៌មានជាក់លាស់ពីតួលេខ។
លោក Andrews មានប្រសាសន៍ថា ៖«យើងដឹងថា នេះគឺកើនឡើងខ្ពស់។ វាកើនឡើងលឿនណាស់ ជាកម្រិតគួរឲ្យបារម្ភខ្លាំង»។
យោងតាមក្រសួងសុខាភិបាល និងកីឡាដែលគ្រប់គ្រងដោយយោធាថា មនុស្ស៤៦២៩នាក់បានស្លាប់ដោយកូវីដចាប់ពីថ្ងៃទី១ ខែមិថុនា។ យ៉ាងណាចំនួននេះត្រូវបានគេគិតថា មិនច្បាស់លាស់ទេ។
សារព័ត៌មានគ្រប់គ្រងដោយយោធាបានផ្សាយកាលពីថ្ងៃអង្គារ៍ថា កន្លែងបូជាសពថ្មីចំនួន១០ត្រូវបានធ្វើនៅទីក្រុងយ៉ាំងហ្គោនសម្រាប់បូជាសព។
លោក Andrews បន្ថែមថា ៖«នៅយ៉ាំងហ្គោន វាធម្មតាទៅហើយដែលឃើញមនុស្សឈរតម្រង់ជួរគ្នា៣ប្រភេទ។ ទី១ តម្រង់ជួរគ្នានៅមុខ ATMs, ទី២ តម្រង់ជួរចាំអ៊ុកស៊ីសែន ដែលគ្រោះថ្នាក់ណាស់ ពីព្រោះមនុស្សអាចត្រូវបានកម្លាំងមីយ៉ាន់ម៉ាបាញ់នៅពេលកំពុងរង់ចាំអ៊ុកស៊ីសែន និងទី៣ តម្រង់ជួរនៅទីបូជាសព និងកន្លែងបញ្ចុះសព»។
មានកង្វះខាតអ៊ុកស៊ីសែន បរិក្ខាពេទ្យ និងថ្នាំពេទ្យនៅទីក្រុងនានាទូទាំងប្រទេស។ នៅខាងក្រៅផ្ទះ ប្រជាជនបានព្យួរទង់ពណ៌លឿង និងសដើម្បីបញ្ជាក់ថា ពួកគេត្រូវការអាហារ ឬថ្នាំពេទ្យ ខណៈតាមបណ្តាញទំនាក់ទំនងសង្គមបង្ហោះសារព្រោងព្រាតដើម្បីឲ្យជួយ និងសារមណភាព។
យោធាត្រូវបានចោទប្រកាន់ពីការរឹតអូសយកអ៊ុកស៊ីសែន។ ពួកគេបានបញ្ជាមិនឲ្យអ្នកផ្គត់ផ្គង់លក់អ៊ុកស៊ីសែនទៅប្រជាជន។
លោក Andrews បាននិយាយថា រដ្ឋាភិបាលអន្តរជាតិ រាប់ទាំងប្រទេសជិតខាងមីយ៉ាន់ម៉ាត្រូវជួយឲ្យបានលឿន ឬបើពុំនោះទេនឹងឃើញផលវិបាកកាន់តែអាក្រក់នៃការផ្ទុះកូវីដ-១៩ដែលមិនអាចគ្រប់គ្រងបាន។
លោកថា ៖«មីយ៉ាន់ម៉ាកំពុងក្លាយជាកន្លែងឆ្លងដ៏អាក្រក់បំផុត ជាមួយនឹងវីរុសបំប្លែងខ្លួន Delta។ នេះពិតជាគ្រោះថ្នាក់ខ្លាំងណាស់»។ «តាមពិតទៅ កូវីដមិនយល់មុខជាតិសាសន៍អ្វី តំបន់ព្រំដែន ឬមនោគមវិជ្ជា ឬក៏បក្សនយោបាយណាទេ វាសម្លាប់ទាំងអស់ហ្នឹង។ នេះជាតំបន់មួយដែលងាយនឹងទទួលរងការឈឺចាប់ នៅពេលមីយ៉ាន់ម៉ាក្លាយជារដ្ឋឆ្លងធ្ងន់ធ្ងរបំផុត»៕
ប្រែសម្រួល៖ វីរបុត្រ
ប្រភព៖ theguardian
អ្នកជំនាញ៖ វត្តមានជនបរទេសចូលរួម “សំណេរអង្គរ” បង្ហាញពីការស្រឡាញ់ និងការលើកស្ទួយអក្សរសាស្ត្រខ្មែរលើឆាកអន្តរជាតិ
កម្ពុជាបានចំណាយជាង២,៦៩ពាន់លានដុល្លារនាំចូលប្រេងឥន្ធនៈ និងប្រេងម៉ាស៊ូតក្នុងឆ្នាំ២០២៤
រដ្ឋមន្ត្រីមហាផ្ទៃបង្ហើបពីការសិក្សាកែសម្រួលការជ្រើសរើស និងលក្ខណៈសម្បត្តិថ្នាក់ដឹកនាំភូមិ
Justin ស្រាប់តែ Unfollow ភរិយានិងប៉ាក្មេក ខណៈគេសង្ស័យថា ចំណងអាពាហ៍ពិពាហ៍រង្គោះរង្គើ
ឥណ្ឌូណេស៊ីពិន័យ Google ជាង ១២ លានដុល្លារ ដោយចោទពីបទ «អនុវត្តអាជីវកម្មមិនស្មើភាពគ្នា»
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់