ព័ត៌មានអន្ដរជាតិ

មេដឹកនាំអូស្ត្រាលីថា វ៉ាក់សាំងតែម្យ៉ាងមិនអាចបញ្ចប់បំរាមកូវីដបានទេ

បានផុស

៤ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

លោកនាយករដ្ឋមន្ត្រីអូស្ត្រាលី Scott Morrison បាននិយាយថា ការចាក់វ៉ាក់សាំងតែម្យ៉ាងនឹងមិនអាចនាំមកនូវការបញ្ចប់បំរាមបិទខ្ទប់នៅទីក្រុងស៊ីដនីបានទេ ស្របពេលទីក្រុងនេះត្រូវបន្តបំរាមមួយខែទៀតដោយសារវីរុសបំប្លែងខ្លួន Delta រាតត្បាតខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Morrison មានប្រសាសន៍ដែលសារព័ត៌មាន Nine News ចេញផ្សាយនៅថ្ងៃព្រហស្បតិ៍ ទី២៩ ខែកក្កដានេះថា ៖«ខ្ញុំមានន័យថា វាពិតជាអាចជួយបានមែន… អត្រាចាក់វ៉ាក់សាំងនៅទាប យើងត្រូវការបន្ថែមទៀត ហើយថា បំរាមពិតជាជួយដល់កិច្ចខិតខំប្រឹងប្រែង ដូច្នេះនឹងមិនទាន់ឈប់ដាក់បំរាមបានទេ»។

លោក Morrison សង្ឃឹមថា ការពង្រីកបំរាមបិទខ្ទប់ និងបំរាមគោចរតឹងរឹងនឹងត្រូវបានអនុវត្តនៅក្នុងតំបន់នៃទីក្រុងស៊ីដនីដែលវីរុសបំប្លែងខ្លួនដ៏កាចសាហាវ Delta កំពុងរាតត្បាតខ្លាំង។

នៅរដ្ឋ New South Wales ការចាក់វ៉ាក់សាំងបាន១៧%ពេញលេញលើប្រជាជនដែលមានអាយុ១៦ឆ្នាំឡើង ខណៈទីក្រុងស៊ីដនីកំពុងទទួលរងការឆ្លងកាន់ឡើងខ្ពស់ជាលំដាប់ បើទោះជាបំរាមត្រូវបានដាក់តាំងពីថ្ងៃទី២៦ ខែមិថុនា។

លោក John Barilaro អភិបាលរងក្រុងស៊ីដនីបាននិយាយថា ៖«អ្វីដែលយើងបានឃើញគឺជាចំនួនឆ្លងរឹងក្បាល។ យើងនឹងមិនអាចធ្វើពុតថា យើងមានគ្រប់ចម្លើយនោះទេ ពីព្រោះយើងមិនមាន»៕

ប្រែសម្រួល៖ វីរបុត្រ
ប្រភព៖ Reuters

Related Topics:កូវីដ-១៩