អ្នកជំនាញអង់គ្លេសរកឃើញផ្ទះរបស់ព្រះយេស៊ូ

ផ្ទះពីកុមារភាពរបស់ព្រះយេស៊ូគ្រិស្តត្រូវបានគេរកឃើញ បន្ទាប់ពីការសិក្សារបស់អង់គ្លេសរយៈពេល ១៤ ឆ្នាំនៅទីក្រុង Nazareth ប្រទេសអ៊ីស្រាអែល ។

សាស្រ្តាចារ្យផ្នែកបុរាណវិទ្យាលោក Ken Dark ជឿជាក់ថា បុត្រានៃព្រះ អង្គនេះបានធំឡើងនៅក្នុងផ្ទះមួយដែលបានថែរក្សាយ៉ាងល្អនាសតវត្សរ៍ទី ១ នៅភាគខាងជើងប្រទេសអ៊ីស្រាអែល ។ គាត់បាននិយាយថា ផ្ទះដ៏ធំមួយនៅឯតំបន់ Sisters of Nazareth Convent ត្រូវបានសាងសង់ដោយជាងឈើធ្វើពីថ្មកំបោរដោយព្រះបិតារបស់ទ្រង់ព្រះនាម Joseph ។

កាសែត The Times បានរាយការណ៍ថា ការសិក្សារបស់សាកលវិទ្យាល័យ Reading University បានបង្ហាញពីកាំជណ្ដើរថ្មដែលនៅមានសភាពរស់រវើករហូតមកដល់សព្វថ្ងៃ ។ ការវិភាគផ្នែកបុរាណវិទ្យារបស់គាត់ក៏បានបង្ហាញថា ផ្ទះនេះប្រហែលជាមានបន្ទប់ផ្ទាល់ដី និងដំបូលរាបស្មើ ។

លោកសាស្ត្រាចារ្យ Dark បានបង្ហាញពីរបកគំហើញរបស់គាត់នៅក្នុងសៀវភៅមួយ បន្ទាប់ពីការសិក្សាស្រាវជ្រាវរយៈពេល ១៤ ឆ្នាំនៅឯកន្លែងនោះ ។ គាត់បាននិយាយថា សិល្បៈហត្ថកម្មដ៏អស្ចារ្យ និងការយល់ដឹងអំពីរចនាសម្ព័នថ្មគឺស្របជាមួយផ្ទះដែលត្រូវបានសាងសង់ និងជាកម្មសិទ្ធិរបស់ជាងឈើ ។

សាស្រ្តាចារ្យផ្នែកបុរាណវិទ្យា និងប្រវត្តិវិទ្យានិយាយថា ប្រាសាទ ឬផ្ទះទាំងនេះត្រូវបានអ្នកបុរាណវិទូទុកចោលថាមិនមែនជាផ្ទះរបស់ព្រះយេស៊ូ តាំងពីទសវត្សឆ្នាំ ១៩៣០ ខណៈពួកគេត្រូវបានជីកនៅសតវត្សរ៍ទី ១៩ ។

ប៉ុន្តែឥឡូវនេះលោកសាស្ត្រាចារ្យ Dark បានរកឃើញរូងថ្មនេះនៅសតវត្សរ៍ទី ៤ ។ វាត្រូវបានបង្កើតឡើងនៅពេលដែលគ្រិស្តសាសនាត្រូវបានគេយកមកធ្វើជាសាសនារបស់រដ្ឋនៃចក្រភពរ៉ូម៉ាំងដែលបន្ទាប់មកគ្រប់គ្រងតំបន់នេះ ៕

ប្រែសម្រួលដោយ ៖ ជីវ័ន្ត

ប្រភព ៖ Daily Star