នេះប្រទេសបន្ទាប់ពី អ៊ីស្រាអែល ត្រៀមចាក់វ៉ាក់សាំងដូសទី ៣

សារព័ត៌មាន The Telegraph បានរាយការណ៍កាលពីថ្ងៃអាទិត្យថា ចក្រភពអង់គ្លេសនឹងចាក់វ៉ាក់សាំងការពារជំងឺកូវីដ ១៩ ដូសទី ៣ ដល់ជនជាតិអង់គ្លេសចំនួន ៣២ លាននាក់នៅដើមខែក្រោយ ហើយឱសថស្ថានរហូតដល់ទៅ ២ ពាន់កន្លែង គ្រោងនឹងបើកយុទ្ធនាការចាក់នេះ ។

របាយការណ៍នេះបានបន្ថែមថា យុទ្ធនាការនេះអាចចាប់ផ្តើមបានភ្លាមៗនៅថ្ងៃទី ៦ ខែកញ្ញា ហើយអាចនឹងបញ្ចប់នៅដើមខែធ្នូ ប្រសិនបើវាដំណើរការទៅតាមផែនការ ។

គិតត្រឹមថ្ងៃទី ៣០ ខែកក្កដា ប្រជាជនអង់គ្លេសសរុបចំនួន ៤៦.៨១ លាននាក់ បានទទួលការចាក់វ៉ាក់សាំងវ៉ាក់សាំងការពារជំងឺកូវីដ ១៩ ដូសដំបូង ខណៈមនុស្ស ៣៨.១៣ លាននាក់ បានទទួលការចាក់ ២ ដូស ។

ទន្ទឹមនោះ ផែនការនេះកើតឡើង ក្រោយអ៊ីស្រាអែល កាលពីថ្ងៃអាទិត្យបានក្លាយជាប្រទេសដំបូងគេ ដែលចាក់វ៉ាក់សាំង Pfizer ដូសទី ៣ ដល់មនុស្សដែលមានអាយុលើសពី ៦០ ឆ្នាំ ដើម្បីទប់ស្កាត់ការរីករាលដាលនៃវីរុសបំប្លែងខ្លួនឥណ្ឌា “Delta” ។

អ៊ីស្រាអែលមានប្រជាជន ៩.៣ លាននាក់ ខណៈមនុស្សជាង ៨០ ភាគរយដែលមានអាយុចាប់ពី ១៦ ឆ្នាំឡើងទៅ បានទទួលវ៉ាក់សាំងចំនួន ២ ដូស ៕

ប្រែសម្រួលដោយ ៖ ជីវ័ន្ត

ប្រភព ៖ SMH

ចុចអាន ៖ មនុស្សចាស់នៅ អ៊ីស្រាអែល ទទួលការចាក់វ៉ាក់សាំងដូសទី ៣ មុនគេ