ព័ត៌មានអន្ដរជាតិ

ថៃគ្រោងផលិតថ្នាំព្យាបាលកូវីដពីស្មៅប្រមាត់មនុស្ស៨លានគ្រាប់ក្នុងខែកញ្ញា

បានផុស

៣ years មុន

នៅ

ថ្ងៃអង្គារ ៣ សីហា ២០២១

ដោយ

រដ្ឋមន្ត្រីក្រសួង យុត្តិធម៌ លោក Somsak Thepsuthin បាននិយាយកាលពីថ្ងៃចន្ទម្សិលមិញថា ពន្ធនាគារទូទាំងប្រទេសត្រូវបានរំពឹងពីការដាំស្មៅប្រមាត់មនុស្សក្នុងបរិមាណដ៏ច្រើនដែលនឹងចាប់ប្រមូលផលនៅខែកញ្ញាខាងមុខ។

លោក Somsak បានប្រាប់សារព័ត៌មានតាមវីដេអូជាមួយអគ្គនាយកនៃនាយករដ្ឋានកែប្រែលោក Ayut Sinthoppan និងស្នងការពន្ធនាគារជាច្រើនទូទាំងប្រទេសថា ការប្រមូលផលនឹងគ្រប់គ្រាន់សម្រាប់ការផលិតថ្នាំគ្រាប់ចំនួនប្រហែល៨លានគ្រាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងយុត្តិធម៌មានប្រសាសន៍ថា លោកបានបញ្ជាឲ្យពន្ធនាគារទូទាំងប្រទេសដាំស្មៅប្រមាត់មនុស្សរួចរាល់ហើយ ហើយការប្រមូលផលលើកដំបូងលើដីចំនួន៨រ៉ៃនៅថ្ងៃទី២ ខែកញ្ញា។ ការប្រមូលផលបន្ទាប់នៅថ្ងៃទី២២ ខែតុលា និងប្រមូលផលនូវខែបន្តបន្ទាប់នៅលើផ្ទៃដីសរុប៥០រ៉ៃ។

លោក Somsak បានឲ្យដឹងថា ៖«ស្មៅប្រមាត់មនុស្សប្រហែលជាផ្គត់ផ្គង់តិចនៅពេលនេះ ប៉ុន្តែនៅពេលបន្ទាប់មានគ្រប់គ្រាន់។ គ្រប់ពន្ធនាគារទាំងអស់មានផែនការគ្រប់គ្រងផ្ទាល់ខ្លួន និងរាយការណ៍ទៅលោកអគ្គនាយកនៃអគ្គនាយកដ្ឋានកែប្រែ។ ឥឡូវនេះ យើងជាមជ្ឈមណ្ឌលដ៏ធំសម្រាប់ព័ត៌មានអំពីការប្រើប្រាស់ថ្នាំប្រមាត់មនុស្សជាមួយទណ្ឌិតនៅតាមពន្ធនាគារ»។

លោក Ayut បាននិយាយថា ពីដំបូង ស្មៅប្រមាត់មនុស្សបានបង្ហាញប្រសិទ្ធភាពក្នុងការព្យាបាលទណ្ឌិតដែលមានរោគសញ្ញាកូវីដ-១៩កម្រិតមធ្យមនៅពន្ធនាគារ Narathiwat និងពន្ធនាគារ Chiang Mai។ ចាប់តាំងពីពេលនោះមក ក៏បានប្រើដើម្បីព្យាបាលទណ្ឌិតដែលមានរោគសញ្ញាកម្រិតលឿង និងក្រហមនៅតាមពន្ធនាគារផ្សេង។

លោក Somsak និយាយនៅថ្ងៃចន្ទថា ថ្នាំគ្រាប់ផលិតពីស្មៅប្រមាត់មនុស្សជាង៦លានគ្រាប់បានចែកចាយទៅព្យាបាលតាមពន្ធនាគារ និងមណ្ឌលឃុំឃាំងទូទាំងប្រទេសដែលព្យាបាលទណ្ឌិតជាង១០ម៉ឺននាក់៕

ប្រែសម្រួល៖ វីរបុត្រ
ប្រភព៖ bangkokpost