Connect with us

ព័ត៌មានអន្ដរជាតិ

វៀតណាម គ្រោងប្រើប្រាស់ថ្នាំចាក់មួយប្រភេទ សម្រាប់ព្យាបាល កូវីដ

បានផុស

នៅ

ប្រទេសវៀតណាម កំពុងពិចារណាលើការអនុម័ត ឲ្យប្រើប្រាស់ថ្នាំចាក់ប្រឆាំងវីរុសឈ្មោះ Remdesivir សម្រាប់ព្យាបាលជំងឺកូវីដ-១៩។

អនុរដ្ឋមន្រ្តីក្រសួងសុខាភិបាលវៀតណាមលោក Nguyen Truong Son បាននិយាយថា ក្រសួងកំពុងពិចារណាបន្ថែមថ្នាំ Remdesivir ទៅក្នុងផែនការព្យាបាលកូវីដ ដោយនិយាយថា ថ្នាំនេះត្រូវបានអនុម័តដោយរដ្ឋបាលចំណីអាហារនិងឱសថ (FDA) និងប្រទេសជាច្រើនរួចមកហើយ។ លោកបន្ថែមថា វៀតណាមក៏កំពុងប្រើថ្នាំ Remdesivir ដើម្បីព្យាបាលអ្នកជំងឺកូវីដ នៅតាមមណ្ឌលសុខភាពមួយចំនួនផងដែរ។

Explained: New home-quarantine pilot programme for COVID-19 patients -  Opinion - Vietnam News | Politics, Business, Economy, Society, Life, Sports  - VietNam News
អនុរដ្ឋមន្រ្តីក្រសួងសុខាភិបាលវៀតណាមលោក Nguyen Truong Son

ទោះបីជាយ៉ាងណាក៏ដោយ លោក Son បានសង្កត់ធ្ងន់ថា ការសម្រេចថាតើត្រូវប្រើថ្នាំនេះសម្រាប់អ្នកជំងឺឬក៏អត់នោះ គឺអាស្រ័យលើគ្រូពេទ្យនៅតាមមណ្ឌលសុខភាព ដូច្នេះពលរដ្ឋមិនគួរទិញវាសម្រាប់ប្រើនៅផ្ទះទេ។

ក្រុមហ៊ុន Vingroup បានស្នើបរិច្ចាគថ្នាំ Remdesivir ចំនួន៥០ម៉ឺនដប ដល់ក្រសួងសុខាភិបាលនៅខែនេះ។

លោក Vu Tuan Cuong ប្រធានរដ្ឋបាលថ្នាំពេទ្យវៀតណាម បាននិយាយកាលពីថ្ងៃចន្ទថា ការស្រាវជ្រាវកំពុងធ្វើឡើងលើការណែនាំថ្នាំនេះ ទៅក្នុងផែនការព្យាបាលដើម្បីកាត់បន្ថយអត្រាស្លាប់ដោយសារជំងឺកូវីដ-១៩។

គួរបញ្ជាក់ថា Remdesivir គឺជាថ្នាំប្រឆាំងមេរោគ ដែលបង្កើតឡើងដោយក្រុមហ៊ុនជីវសាស្រ្តអាមេរិកឈ្មោះ Gilead Sciences។ វាត្រូវបានអនុម័តសម្រាប់ការព្យាបាលកូវីដនៅក្នុងប្រទេសនិងដែនដីប្រហែល៥០ ដូចជាសហរដ្ឋអាមេរិក អូស្ត្រាលី ជប៉ុននិងឥណ្ឌាជាដើម៕

ប្រែសម្រួល៖ Vann Vann

ប្រភព៖ VN Express

ចុចអាន៖ ធ្ងន់ធ្ងរ! ត្រឹមមួយថ្ងៃ ថៃ រកឃើញអ្នកឆ្លងកូវីដលើស ២ម៉ឺនករណីជាលើកដំបូង និងស្លាប់ច្រើនបំផុតជិត ២០០នាក់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៥ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១២ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៨ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ១០ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១១ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម