ព័ត៌មានអន្ដរជាតិ
ស្ថាប័នសុខភាពពិភពលោកកំពូលបារម្ភយ៉ាងខ្លាំងពីកូវីដធ្វើទុក្ខរយៈពេលវែង ក្រោយពេលជាសះស្បើយ
មនុស្សជិត២០០លាននាក់បានឆ្លងកូវីដ-១៩ ខណៈអង្គការសុខភាពពិភពលោក (WHO) មានការព្រួយបារម្ភយ៉ាងជ្រាលជ្រៅបំផុតពីចំនួនមិនដឹងច្បាស់ដែលប្រហែលជានៅតែទទួលរងទុក្ខយូរអង្វែងទៀត។
អង្គការសុខភាពពិភពលោកបានជំរុញឲ្យប្រជាជនតស៊ូជាមួយនឹងផលប៉ះពាល់នៃវីរុសក្រោយពេលព្យាបាលជាសះស្បើយឆ្លងផុតពីដំណាក់កាលធ្ងន់ធ្ងរហើយ ដោយត្រូវស្វែងរកការព្យាបាលពីក្រុមគ្រូពេទ្យទៀត។
កូវីដ-១៩ធ្វើទុក្ខរយៈពេលវែងនៅតែជាផ្នែកមួយដ៏អាថ៌កំបាំងនៃវីរុសដ៏កាចសាហាវនេះ។ អ្នកស្រី Maria Van Kerkhove ប្រធានផ្នែកបច្ចេកទេសកូវីដ-១៩របស់អង្គការសុខភាពពិភពលោកបានប្រាប់សន្និសីទសារព័ត៌មានថា ៖«រោគសញ្ញាធ្វើទុក្ខក្រោយកូវីដនេះជាអ្វីមួយដែល WHO មានការព្រួយបារម្ភយ៉ាងខ្លាំង»។
អ្នកស្រីមានប្រសាសន៍ថា អ្នកដែលឆ្លងរោគ SARS-CoV-2 ដែលជាវីរុសបង្កដោយកូវីដ-១៩ «មានច្រើនណាស់ដែលទទួលរងការធ្វើទុក្ខរយៈពេលវែង»។
«យើងមិនដឹងច្បាស់ទេថាតើរយៈពេលយូរកម្រិតណាដែលវាធ្វើទុក្ខ ហើយយើងកំពុងធ្វើការលើកត្តានេះដើម្បីស្វែងយល់ឲ្យកាន់តែច្បាស់ និងចាត់ទុកពីអ្វីដែលជារោគសញ្ញាធ្វើទុក្ខក្រោយកូវីដ-១៩ជាសះស្បើយ»។ អ្នកស្រី Van Kerkhove បានបញ្ជាក់។
អ្នកស្រីបន្តថា អង្គការសុខភាពពិភពលោកបានកំពុងធ្វើការលើកម្មវិធីស្តារនីតិសម្បទាឲ្យល្អប្រសើរឡើងវិញនៃអ្នកដែលធ្វើទុក្ខកូវីដ-១៩យូរ បន្ថែមលើការស្រាវជ្រាវដ៏ទូលំទូលាយដើម្បីស្វែងយល់ឲ្យកាន់តែច្បាស់ពីអ្វីដែលជារោគសញ្ញា និងថាតើវាត្រូវបានគ្រប់គ្រងដោយរបៀបណា។
រោគសញ្ញាធ្វើទុក្ខជាង២០០យ៉ាង
WHO បានរៀបចំធ្វើសិក្ខាសាលាជាច្រើននៅឆ្នាំនេះដើម្បីស្វែងយល់ឲ្យកាន់តែច្បាស់ពីកូវីដ-១៩ធ្វើទុក្ខក្រោយពេលព្យាបាលជាសះស្បើយហើយដោយមានអ្នកវិទ្យាសាស្ត្រ អ្នកឯកទេស វេជ្ជបណ្ឌិត និងអ្នកជំងឺផ្ទាល់ថែមទៀតផង។
អ្នកស្រី Janet Diaz អ្នកដឹកនាំផ្នែកថែទាំវេជ្ជសាស្ត្រនៅកម្មវិធីសង្គ្រោះបន្ទាន់របស់ WHO ដែលដឹកនាំធ្វើការលើកត្តាកូវីដ-១៩ធ្វើទុក្ខយូរនេះបានឲ្យដឹងថា មានអាការរោគសញ្ញាធ្វើទុក្ខជាង២០០ដែលត្រូវបានរាយការណ៍។
អ្នកស្រីបានប្រាប់សន្និសីទសារព័ត៌មានកាលពីអង្គការថា អាការរោគសញ្ញាទាំងនោះមានដូចជា ឈឺដើមទ្រូង រមាស់ ឡើងកន្ទួល។ អ្នកខ្លះបានធូរស្បើយហើយ បន្ទាប់មកកើតមានអាការឡើងវិញ។ វាមានលក្ខណៈដូចជាបាត់ហើយ កើតវិញ៕
ប្រែសម្រួល៖ វីរបុត្រ
ប្រភព៖ AFP
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ