ព័ត៌មានអន្ដរជាតិ

ល្អណាស់ វ៉ាក់សាំង Moderna ប្រកាសពីប្រសិទ្ធភាពនៅខ្ពស់ដដែលពី៤ទៅ៦ខែក្រោយចាក់ដូសទី២

បានផុស

៤ years មុន

នៅ

ថ្ងៃសុក្រ ៦ សីហា ២០២១

ដោយ

ក្រុមហ៊ុនវ៉ាក់សាំង Moderna នៅថ្ងៃព្រហស្បតិ៍ម្សិលមិញបាននិយាយថា វ៉ាក់សាំងបង្ការកូវីដ-១៩របស់ខ្លួនមានប្រសិទ្ធភាពប្រហែល៩៣%រយៈពេល៤ទៅ៦ខែ បន្ទាប់ពីចាក់ដូសទី២ដែលប្រសិទ្ធភាពនេះស្ទើរតែគ្មានការប្រែប្រួលទៅនឹងលទ្ធផលសាកល្បងគ្លីនិកពីដំបូងដែលមាន៩៤%។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិទ្ធភាពនេះប្រៀបធៀបនឹងទិន្នន័យចេញផ្សាយរបស់គូប្រជែងគឺវ៉ាក់សាំង Pfizer និង BioNTech កាលពីសប្តាហ៍មុនដែលពួកគេលើកឡើងថា ប្រសិទ្ធភាពវ៉ាក់សាំងរបស់ពួកគេបានធ្លាក់ចុះ៦%រាល់ពីរខែ ដែលធ្លាក់មកនៅត្រឹមប្រហែល៨៤% រយៈពេល៦ខែ បន្ទាប់ពីចាក់ដូសទី២។ វ៉ាក់សាំង Moderna និង Pfizer-BioNTech ផ្អែកលើបច្ចេកវិទ្យានាំសា RNA (mRNA)។

នាយកប្រតិបត្តិក្រុមហ៊ុន Moderna លោក Stéphane Bancel មានប្រសាសន៍ក្នុងសេចក្តីប្រកាសមួយថា ៖«យើងពិតជាត្រេកអរដែលប្រសិទ្ធភាពវ៉ាក់សាំងបង្ការកូវីដ-១៩របស់យើងនៅថេរ៩៣%ចាប់ពី៤ទៅ៦ខែ»។

«រយៈពេលដ៏ខ្លាំងនេះផ្តល់អត្ថប្រយោជន៍ដល់មនុស្សរាប់រយលាននាក់ដែលបានចាក់វ៉ាក់សាំង Moderna»។

ក្រុមហ៊ុន Moderna បានប្រកាសពីការលក់នៅត្រីមាសទី៤ដែលមានទឹកប្រាក់៤.៤ប៊ីលានដុល្លារអាមេរិកដែលខ្ពស់ជាងតិចតូចលើការប៉ាន់ស្មានជាធម្យម ៤.២ប៊ីលានដុល្លារអាមេរិកដែលទទួលបានពីអ្នកវិភាគ១០រូបរបស់ Refinitiv។ វ៉ាក់សាំងបង្ការកូវីដ-១៩របស់ក្រុមហ៊ុនគឺត្រូវបានអនុញ្ញាតឲ្យផលិត និងលក់ត្រឹមតែ៦៧លានដុល្លារអាមេរិកក្នុងរយៈពេលដូចគ្នាកាលពីឆ្នាំមុន៕

ប្រែសម្រួល៖ វីរបុត្រ
ប្រភព៖ Reuters

Related Topics:វ៉ាក់សាំងកូវីដ-១៩