ព័ត៌មានអន្ដរជាតិ
រកឃើញខ្ទង់ម៉ឺនរាល់ថ្ងៃ ម៉ាឡេស៊ី នឹងលែងរាប់ករណីឆ្លងកូវីដហើយ
រដ្ឋមន្ត្រីក្រសួងហិរញ្ញវត្ថុម៉ាឡេស៊ីលោក Tengku Zafrul Abdul Aziz បាននិយាយថា ប្រទេសម៉ាឡេស៊ីនឹងលែងរាប់ករណីឆ្លងប្រចាំថ្ងៃនៃជំងឺកូវីដ ១៩ ហើយ ។

លោកបាននិយាយនៅក្នុងវីដេអូមួយ ដែលបានបង្ហោះនៅលើទំព័រហ្វេសប៊ុករបស់លោកកាលពីថ្ងៃព្រហស្បតិ៍ថា រដ្ឋាភិបាលនឹងរាប់អត្រាអ្នកជំងឺកូវីដ ១៩ ចូលសម្រាកព្យាបាលនៅមន្ទីរពេទ្យជំនួសវិញ ហើយវាជាសូចនាករមួយក្នុងចំណោមសូចនាករចំនួន ៣ នៃផែនការរបស់រដ្ឋាភិបាល ។
លោក Abdul Aziz បាននិយាយថា “នៅពេលដែល មនុស្សពេញវ័យ ៤០ ភាគរយត្រូវបានចាក់វ៉ាក់សាំងយ៉ាងហោចណាស់ ១ ដូស ភាគច្រើននៃចំនួនករណីឆ្លងថ្មីនៃជំងឺកូវីដ ១៩ បានបង្ហាញពីរោគសញ្ញាឆ្លងតិចតួចប៉ុណ្ណោះ” ។

លោកបន្ថែមថា ខណៈដែលប្រទេសនេះបានរកឃើញករណីឆ្លងថ្មីជាកំណត់ត្រាចំនួន ២០,៥៩៦ ករណីកាលពីថ្ងៃព្រហស្បតិ៍ ហើយ ៩៨.១ ភាគរយនៃករណីនេះ បានបង្ហាញពីរោគសញ្ញាស្រាលទៅគ្មានរោគសញ្ញា ។
លោកបញ្ជាក់ថា ដូច្នេះយើងសូមលែងរាប់ករណីទាំងនេះ ព្រោះសុខភាពរបស់ពួកគេយ៉ាប់យ៉ឺនតាមពេលវេលាប៉ុណ្ណោះ ។

ទន្ទឹមនោះ យោងតាមក្រសួងសុខាភិបាលបានឲ្យដឹងថា ប្រហែល ៣១ ភាគរយនៃប្រជាជនពេញវ័យរបស់ម៉ាឡេស៊ី បានទទួលការចាក់វ៉ាក់សាំងពេញ ២ ដូស ហើយ ៦២ ភាគរយ បានចាក់យ៉ាងហោចណាស់ ២ ដូសត្រឹមថ្ងៃទី ៣ ខែសីហា ។
គួរបញ្ជាក់ថា គិតត្រឹមពេលនេះ ប្រទេសម៉ាឡេស៊ី មានកត់ត្រាករណីឆ្លងជំងឺកូវីដ ១៩ ជាង ១ លានករណី និងមានអ្នកស្លាប់ ១០,០១៩ នាក់ ខណៈជិត ៩៨ ម៉ឺននាក់បានជាសះស្បើយ ៕

ប្រែសម្រួលដោយ ៖ ជីវ័ន្ត
ប្រភព ៖ The Straits Times
ចុចអាន ៖ ម៉ាឡេស៊ី អនុម័តថ្នាំថ្មីព្យាបាលជំងឺកាចសាហាវមួយនេះក្នុងតម្លៃសមរម្យ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ