វ៉ាក់សាំងអាមេរិកមួយប្រភេទ តម្រូវឲ្យចាក់ដូសទី៣ ដើម្បីប្រយុទ្ធជាមួយ Delta

ក្រុមហ៊ុនជីវបច្ចេកវិទ្យាអាមេរិក Moderna បាននិយាយថា ការចាក់វ៉ាក់សាំងដូសទី៣ ទំនងជាត្រូវការជាចាំបាច់ចំពោះអ្នកចាក់វ៉ាក់សាំងរបស់ខ្លួនហើយបាន២ដូស ដោយសារតែវីរុសបំប្លែងខ្លួន Delta។

កាលពីថ្ងៃព្រហស្បតិ៍ ក្រុមហ៊ុន Moderna បានចេញផ្សាយ ការធ្វើបច្ចុប្បន្នភាពអំពីប្រសិទ្ធភាពវ៉ាក់សាំងនិងការអភិវឌ្ឍវ៉ាក់សាំងថ្មីមួយប្រភេទ សម្រាប់វីរុសបំប្លែងខ្លួននានា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុននិយាយថា វ៉ាក់សាំងរបស់ខ្លួន កំពុងបង្ហាញពីប្រសិទ្ធភាពយូរអង្វែង ៩៣ភាគរយក្នុងរយៈពេល៦ខែ បន្ទាប់ពីចាក់លើកទី២។

ប៉ុន្តែខ្លួននិយាយថា ប្រសិទ្ធភាពនេះត្រូវបានគេរំពឹងថានឹងធ្លាក់ចុះ ហើយវ៉ាក់សាំងដូសជំរុញ ទំនងជាចាំបាច់ នៅឆមាសទីពីរនៃឆ្នាំនេះ ជាពិសេសចំពេលមានការរីករាលដាលនៃវីរុសបំប្លែងខ្លួន Delta។

ប្រទេសអ៊ីស្រាអែល អាល្លឺម៉ង់និងបារាំង បានសម្រេចចិត្តរួចទៅហើយ ក្នុងការចាក់វ៉ាក់សាំងដូសជំរុញដល់មនុស្សចាស់និងអ្នកដទៃទៀត។

ទោះបីជាយ៉ាងណាក៏ដោយ អង្គការសុខភាពពិភពលោក កំពុងអំពាវនាវឲ្យមានការផ្អាក ចាក់វ៉ាក់សាំងដូសជំរុញ រហូតដល់ចុងខែកញ្ញា ដើម្បីអនុញ្ញាតឲ្យប្រទេសកំពុងអភិវឌ្ឍទទួលបានវ៉ាក់សាំងការពារប្រជាជនរបស់ពួកគេ៕

ប្រែសម្រួល៖ Vann Vann

ប្រភព៖ NHK

ចុចអាន៖ ប្រទេសមួយនៅអឺរ៉ុប គ្រោងចាក់វ៉ាក់សាំងជំរុញ ដល់ទៅ ៥ដូសឯណោះ