អ្នកធ្លាប់វះកាត់ប្តូសរីរាង្គ ដុះអង់ទីគ័រការពារបានខ្ពស់ ក្រោយចាក់វ៉ាក់សាំងដូសទី៣

ការសិក្សាមួយនៅសហរដ្ឋអាមេរិកបង្ហាញលទ្ធផលថា ការបន្ថែមវ៉ាក់សាំងបង្ការកូវីដ-១៩ មួយដូសទៀតឱ្យអ្នកធ្លាប់ទទួលការប្តូរសរីរាង្គមួយចំនួនអាចបង្កើនការការពារទ្វេរដង។

ត្បិតថាមនុស្សទូទៅកំពុងទទួលបានការការពារយ៉ាងប្រសើរក្រោយចាក់វ៉ាក់សាំងកូវីដ-១៩ក៏ដោយ ក៏មនុស្សរាប់លាននាក់ដែលធ្លាប់វះកាត់ប្តូរសរីរាង្គ អ្នកជំងឺមហារីក ឬអ្នកជំងឺរ៉ាំរ៉ៃផ្សេងៗទៀតនៅតែស្ថិតក្នុងភាពមិនច្បាស់អំពីកម្រិតប្រសិទ្ធការពារប៉ុនណានៅឡើយ។

ការសិក្សាមួយធ្វើឡើងដោយអ្នកស្រាវជ្រាវនៃសាកលវិទ្យាល័យ Johns Hopkins បានតាមដានអ្នកជំងឺប្តូរសរីរាង្គចំនួន ៣០ នាក់ ដោយគេបានរកឃើញថា អ្នកជំងឺ ២៤ នាក់ហាក់មិនមានការការពារច្រើនទេបន្ទាប់ពីចាក់វ៉ាក់សាំងលើកទី ២រួច ប៉ុន្តែពួកគេ ៨ នាក់អាចបង្កើតអង់ទីគ័រប្រឆាំងវីរុសកាន់តែខ្លាំង ក្រោយចាក់មួយដូសបន្ថែម។ ជាពិសេសមនុស្ស ៦ នាក់ក្នុងចំណោមនោះដែលមានអង់ទីគ័រតិចបំផុត ក៏កាន់តែទទួលបានការជំរុញទ្វេរគុណពីការចាក់ដូសទី៣ ។

វេជ្ជបណ្ឌិត Dorry Segev ជាគ្រូពេទ្យវះកាត់ប្តូរសរីរាង្គមកពីសាកលវិទ្យាល័យ Jonhs Hopkins និងជាអ្នកដឹកនាំការស្រាវជ្រាវនិយាយថា ចំពោះអ្នកជំងឺធ្លាប់វះកាត់ប្តូរសរីរាង្គ ថ្នាំបង្ការកូវីដអាចបន្ថយភាពស៊ាំរបស់វា ព្រមទាំងមិនសូវមានអនុភាពការពារសរីរាង្គប៉ុន្មានទេក្រោយចាក់ពីេដូស ប៉ុន្តែបន្ទាប់ពីចាក់លើកទី៣ ពួកគេនឹងទទួលបានការការពារកាន់តែប្រសើរ។

ទោះយ៉ាងណា ការស្រាវជ្រាវបន្ថែមនៅតែជាតម្រូវការចាំបាច់ដើម្បីបញ្ជាក់ពីកម្រិតប្រសិទ្ធនៃការចាក់ដូសទី ៣ ថាតើវារំញោចភាពស៊ាំបន្ថែម ឬអាចបង្កើនហានិភ័យប៉ុនណាដែរ៕

ប្រែសម្រួល៖ សន្យា

ប្រភព៖ CGTN

ចុចអាន៖ កុំឲ្យសង្ស័យ! លោកជំទាវ ឱ វណ្ណឌីន បញ្ជាក់ច្បាស់ៗ ក្រុមមនុស្ស១ប្រភេទ ពុំចាំបាច់ចាក់វ៉ាក់សាំងដូសទី៣

ចុចអាន៖ ប្រសិនវ៉ាក់សាំងដូសទី៣ត្រូវបានអនុម័តឱ្យប្រើប្រាស់ មនុស្សមួយប្រភេទនេះមិនអាចចាក់បានឡើយ