លោក គីម ជុងអ៊ុន ចេញបញ្ជាមួយធ្វើឲ្យទីក្រុង ព្យុងយ៉ាង ស្ងាត់ដូចចោរលួចសេះ – Kampuchea Thmey Daily
Connect with us

ព័ត៌មានអន្ដរជាតិ

លោក គីម ជុងអ៊ុន ចេញបញ្ជាមួយធ្វើឲ្យទីក្រុង ព្យុងយ៉ាង ស្ងាត់ដូចចោរលួចសេះ

Published

on

លោក គីម ជុងអ៊ុន បានបញ្ជាឲ្យប្រជាជនកូរ៉េខាងជើងស្នាក់នៅក្នុងផ្ទះរបស់ពួកគេដោយខ្លាចថា “ធូលីពណ៌លឿង” មកពីប្រទេសចិនអាចនឹងចម្លងវីរុសកូរ៉ូណា។

ប្រទេសនេះមិនទាន់មានករណីជំងឺកូវីដ១៩នៅឡើយទេបើទោះបីជាជំងឺរាតត្បាតនេះបានសម្លាប់មនុស្សជាងមួយលាននាក់នៅទូទាំងពិភពលោករួចហើយក៏ដោយ។

កាលពីថ្ងៃពុធ ប្រព័ន្ធផ្សព្វផ្សាយរដ្ឋរបស់ប្រទេសនេះបានផ្សព្វផ្សាយអំពីព័ត៌មានអាកាសធាតុពិសេសដោយព្រមានអំពីបាតុភូតដែលនឹងកើតឡើងនៅថ្ងៃខាងមុខ។

ក្រសួងការបរទេសកូរ៉េខាងជើងបានប្រាប់បេសកកម្មការទូតនិងអង្គការអន្តរជាតិផ្សេងទៀតថា ខ្លួនសូមផ្តល់អនុសាសន៍ម៉ឺងម៉ាត់ឲ្យពួកគេស្ថិតនៅខាងក្នុងនិងបិទបង្អួចទាំងអស់ពេញមួយថ្ងៃ។

ស្ថានទូតរុស្ស៊ីនៅទីក្រុងព្យុងយ៉ាងបានសរសេរនៅលើ Facebook កាលពីថ្ងៃព្រហស្បតិ៍ថា “ដូចដែលយើងត្រូវបានគេប្រាប់អញ្ចឹង វិធានការទាំងនេះគឺដោយសារតែ វីរុសកូរ៉ូណាអាចមកដល់ទឹកដីកូរ៉េខាងជើងរួមជាមួយភាគល្អិតនៃធូលីពណ៌លឿង”។

កាសែត NK News បានរាយការណ៍ថា “ស្ទើរតែគ្មានពលរដ្ឋណាម្នាក់ត្រូវបានគេឃើញសោះនៅតាមដងផ្លូវនៃទីក្រុងព្យុងយ៉ាងកាលពីថ្ងៃព្រហស្បតិ៍”។

ប្រភពនៅក្នុងប្រទេសកូរ៉េខាងជើងបានឲ្យដឹងថា មនុស្សមួយចំនួនតូចដែលចេញទៅខាងក្រៅបានពាក់អាវភ្លៀងថ្វីបើគ្មានភ្លៀងនៅថ្ងៃនោះក៏ដោយ។

យោងតាមទូរទស្សន៍ព័ត៌មានកណ្តាលកូរ៉េបានឲ្យដឹងថា កម្មករនៅតាមការដ្ឋានសំណង់ទូទាំងប្រទេសក៏ត្រូវបានហាមឃាត់មិនឲ្យធ្វើការនៅខាងក្រៅផ្ទះផងដែរកាលពីថ្ងៃព្រហស្បតិ៍។

អត្ថបទនេះបានអះអាងថា ការស្រាវជ្រាវនៅជុំវិញពិភពលោកបានបង្ហាញថា វីរុសកូរ៉ូណាអាចត្រូវបានចម្លងតាមរយៈខ្យល់ហើយដូច្នេះ កូរ៉េខាងជើងគួរតែយកចិត្តទុកដាក់ចំពោះលំហូរចូលនៃធូលីពណ៌លឿង៕

ប្រែសម្រួលដោយ៖ Vann Vann

ប្រភព៖ Mirror

ចុច Like Facebook កម្ពុជាថ្មី

ជីវិតកម្សាន្ដ7 hours ago

តោះ​ចូលរួម​ទាំងអស់គ្នា ! ហ៊ុយ យ៉ា​ឡេង បំផុស​យុទ្ធនាការ​ម្នាក់​១​ដុល្លារ​ជួយ​សម្រួល​ទុក្ខលំបាក​តាៗ​ស៊ីក្លូ​ជាង​៣០០​នាក់​

ព័ត៌មានជាតិ7 hours ago

លោក​ឧ​ត្តម​សេនីយ៍​ចុះសួរសុខទុក្ខ មេ​អាវុធហត្ថ​ខណ្ឌ​ដង្កោ​ដែលមាន​ជំងឺ​ធ្ងន់ធ្ងរ

ព័ត៌មានជាតិ7 hours ago

សំណុំរឿង​បាញ់​ឲ្យ​ស្លាប់​ប្រពន្ធ​របួស​កូន តុលាការ​ផ្ដន្ទាទោស​១២​ឆ្នាំ

ព័ត៌មានជាតិ8 hours ago

តោះ​ចូលរួម​ទាំងអស់គ្នា ! ហ៊ុយ យ៉ា​ឡេង បំផុស​យុទ្ធនាការ​ម្នាក់​១​ដុល្លារ​ជួយ​សម្រួល​ទុក្ខលំបាក​តាៗ​ស៊ីក្លូ​ជាង​៣០០​នាក់​

ព័ត៌មានជាតិ9 hours ago

ការបង្ក​សម្លេង​រំខាន ទោះបី​មិន​សម្លាប់​ជីវិត​មនុស្ស​ក៏ដោយ តែ​បង្ក​ផលប៉ះពាល់​ដល់​អ្នកដទៃ ជាពិសេស​អ្នកជំងឺ​តាម​មន្ទីរពេទ្យ​

ព័ត៌មានពេញនិយម