ព័ត៌មានអន្ដរជាតិ

វីរុសកូវីដបំប្លែងថ្មី Iota មានសមត្ថភាពគេចផុតពីភាពស៊ាំ និងបង្កើនហានិភ័យការស្លាប់ខ្ពស់ ក្នុងចំណោមមនុស្សចាស់

បានផុស

៤ years មុន

នៅ

ថ្ងៃអង្គារ ១០ សីហា ២០២១

ដោយ

ការសិក្សាមួយដែលធ្វើឡើងនៅនាយកដ្ឋានសុខភាព និងអនាម័យទីក្រុងញូវយ៉ក និងសាលាសុខភាព សាធារណៈ Mental នៃសាកលវិទ្យាល័យ Columbia សហរដ្ឋអាមេរិក បានកំណត់សមត្ថភាពចម្លងយ៉ាង ខ្លាំងក្លា របស់វីរុសបំប្លែងខ្លួន Iota ដែលគេស្គាល់ថាជា B.1.526 អាចគេចផុតពីភាពស៊ាំនិងបង្កើនហានិភ័យ ការស្លាប់ខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាដែលបានចុះផ្សាយដោយគេហទំព័រ medRxiv បង្ហាញថា វីរុសបំប្លែងខ្លួននេះមានសក្ដានុពលនៃ ការចម្លង និងមានភាពស៊ាំខ្ពស់ជាងវីរុសបំប្លែងផ្សេងទៀតដែលកំពុងចរាចរពីមុនៗ ហើយវាអាចបង្កើនអត្រា ស្លាប់ដោយការឆ្លងពី ៦២ ភាគរយ ទៅ ៨២ ភាគរយ ក្នុងចំណោមមនុស្សចាស់។

ប្រភេទ B.1.526 ដែលត្រូវបានគេស្គាល់ថា ជាវីរុសបំប្លែងខ្លួន Iota បានកំណត់អត្តសញ្ញាណដំបូងនៅទីក្រុងញូវយ៉ក នៅខែ វិច្ឆិកា ឆ្នាំ ២០២០។ ក្រោយមកវាត្រូវបានគេរកឃើញនៅក្នុងរដ្ឋទាំង ៥២ នៅសហរដ្ឋអាមេរិក ក៏ដូចជានៅក្នុងប្រទេសចំនួន ២៧ នៅទូទាំងពិភពលោក និងត្រូវបានអង្គការសុខភាពពិភពលោក (WHO) ចាត់ថ្នាក់ជាវីរុសបំប្លែងគួរឲ្យចាប់អារម្មណ៍ រួមជាមួយនឹងវីរុសបំប្លែងចំនួន ៣ទៀតដូចជា Lambda និង Kappa។

នៅក្នុងការសិក្សាដែលផ្អែកលើមន្ទីរពិសោធន៍ វីរុសបំប្លែងខ្លួន Iota នេះមានភាពធន់ទ្រាំទៅនឹងការបន្សាបជាតិពុលដោយអង់ទីគ័រ monoclonal ព្យាបាលនិងអង់ទីគ័រដែលបង្កដោយវ៉ាក់សាំងនិងការបង្ករោគ។ បើទោះបីជាឆ្លងនិងធ្ងន់ជាងកូវីដយ៉ាងណា ក៏វាមិនបង្កើនហានិភ័យនៃការឆ្លងមេរោគនៅក្នុងខ្លួនបុគ្គលដែលបានចាក់វ៉ាក់សាំង ឬអ្នកដែលបានឆ្លងពីមុននោះទេ។

ការប៉ាន់ស្មានរបស់អ្នកវិទ្យាសាស្ត្រអំពីការឆ្លងមេរោគជាក់លាក់ និងអត្រាមរណភាពនៅទីក្រុងញូវយ៉កបានបង្ហាញថា B.1.526 បង្កើនអត្រាស្លាប់ដោយការឆ្លង ៤៦ភាគរយ ទៅ ៨២ភាគរយ និង ៦២ភាគរយ ចំពោះបុគ្គលដែលមានអាយុ ៤៥ – ៦៤ ឆ្នាំ ៦៥ – ៧៤ ឆ្នាំ និងលើសពី ៧៥ ឆ្នាំរៀងៗខ្លួន។ បើប្រៀបធៀបទៅនឹងវីរុសបំប្លែងខ្លួនដែលកំពុងចរាចរពីមុនៗ វីរុសបំប្លែងខ្លួន B.1.526 បណ្ដាលឲ្យមានអត្រាមរណភាពឆ្លង ៦០ ភាគរយលើមនុស្សចាស់៕

ប្រែសម្រួល៖ សាង ស្រីល័ក្ខ

ប្រភព៖medical

ចុចអាន៖WHO៖ Lambda ជាវីរុសកូវីដបំប្លែងថ្មី មានសមត្ថភាពឆ្លងរាលដាលលឿន

ចុចអាន៖វីរុសបំប្លែងខ្លួនមិនខ្លាចវ៉ាក់សាំង ២ប្រភេទឆ្លងខ្លាំងជាង Delta កំពុងវាយលុកពិភពលោកជាបណ្តើរៗហើយ