អស្ចារ្យណាស់! ត្រឹមមួយសប្តាហ៍ កម្ពុជា ជាប់លេខ១ លើពិភពលោក ជាប្រទេសចាក់វ៉ាក់សាំងកូវីដ បានច្រើនបំផុត

កម្ពុជា បានជាប់លេខ១លើពិភពលោក ក្នុងនាមជាប្រទេសចាក់វ៉ាក់សាំងការពារជំងឺកូវីដ-១៩ បានច្រើនជាងគេបំផុត ក្នុងរយៈពេលមួយសប្តាហ៍ចុងក្រោយ។ នេះបើយោងតាមការស្រង់ទិន្នន័យដោយគេហទំព័រ our​worldindata.com។

គេហទំព័រនេះបានផ្សាយថា ៣០,២ភាគរយ នៃប្រជាជនពិភពលោក បានទទួលវ៉ាក់សាំងការ​ពារជំងឺកូវីដ-១៩ យ៉ាងតិចមួយដូស ហើយ ១៥,៧ភាគរយ បានទទួលវ៉ាក់សាំងពេញលេញ។

វ៉ាក់សាំង ៤,៤៨ពាន់លានដូស ត្រូវបានចាក់នៅទូទាំងពិភពលោក ហើយឥឡូវនេះ ៣៦,៥៩ លានដូស ត្រូវបានចាក់ជារៀងរាល់ថ្ងៃ។

មានតែ ១,១ភាគរយប៉ុណ្ណោះ នៃប្រជាជននៅក្នុងប្រទេសមានប្រាក់ចំណូលទាប ដែលបានទទួលវ៉ាក់សាំង យ៉ាងហោចណាស់មួយដូស។

ប្រទេសចំនួន១០ ដែលចាកវ៉ាក់សាំងដល់ប្រជាជនបានច្រើនបំផុតក្នុងរយៈពេលមួយសប្តាហ៍ចុងក្រោយមានដូចជា៖

1. កម្ពុជា (១០,៣ភាគរយ)
2. គុយបា (១០ភាគរយ)
3. ម៉ាឡេស៊ី (១០ភាគរយ)
4. ប៉ាណាម៉ា (៩,៦ភាគរយ)
5. អេក្វាដ័រ (៨,៣ភាគរយ)
6. សិង្ហបុរី (៨ភាគរយ)
7. ចិន (៧,៩ភាគរយ)
8. ស្រីលង្កា (៧,៨ភាគរយ)
9. អារ៉ាប៊ី សាអ៊ូឌីត (៧,៦ភាគរយ)
10. ហុងកុង (៦,២ភាគរយ)

គួរបញ្ជាក់ថា សំណុំទិន្នន័យចាក់វ៉ាក់សាំងរបស់គេហទំព័រនេះ គឺប្រើតួលេខផ្លូវការចុងក្រោយបង្អស់ពីរដ្ឋាភិបាលនិងក្រសួងសុខាភិបាល នៅទូទាំងពិភពលោក៕

ប្រែសម្រួល៖ Vann Vann

ប្រភព៖ Our World In Data

ចុចអាន៖ អបអរសាទរ ! ស្ត្រី វ័យ៥៦ ឆ្នាំ ជាស្ត្រី លេខ រៀង ទី ៨ លាន ដែលបាន ចាក់ វ៉ាក់សាំង ការពារ កូ វីដ -១៩