ព័ត៌មានអន្ដរជាតិ

ទីបំផុត អភិបាលរដ្ឋញូវយ៉កដែលមានរឿងអាស្រូវជាមួយស្រីៗច្រើនលាលែង

បានផុស

៣ years មុន

នៅ

ថ្ងៃពុធ ១១ សីហា ២០២១

ដោយ

អភិបាលរដ្ឋក្រុងញូវយ៉កសហរដ្ឋអាមេរិក Andrew Cuomo បានលាលែងពីតំណែងនៅថ្ងៃអង្គារ៍ ទី១០ ខែសីហានេះហើយ បន្ទាប់ពីមានការស៊ើបអង្កេតមួយដែលរកឃើញមានការបៀតបៀនផ្លូវភេទស្រី១១នាក់ និងប្រឈមនឹងសម្ពាធផ្លូវច្បាប់កាន់តែខ្លាំង។

ការលាលែងនេះ ក៏កើតមានឡើង បន្ទាប់ពី លោកប្រធានាធិបតីអាមេរិក ចូ បៃដិន និងឥស្សរជននយោបាយផ្សេងៗក៏បានទាមឲ្យចុះចេញពីតំណែងដែរដែលនេះការធ្លាក់ចុះដ៏អាក្រក់មួយសម្រាប់បុរសត្រូវបានគេមើលឃើញថា អាចជាបេក្ខភាពប្រធានាធិបតីអាមេរិកនាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Cuomo មកពីគណបក្សប្រជាធិបតេយ្យបានកាន់តំណែងជាអភិបាលរដ្ឋដ៏ល្បីល្បាញបំផុតលំដាប់ទី៤របស់អាមេរិកកាលពីឆ្នាំ២០១១ បន្ទាប់ពីអគ្គរដ្ឋអាជ្ញាក្រុងញូវយ៉កលោក Letitia James កាលពីថ្ងៃទី៣ ខែសីហា បានបញ្ចេញលទ្ធផលនៃការស៊ើបអង្កេតឯករាជ្យមួយដែលប្រើពេល៥ខែដែលរាប់បញ្ចូលទាំងលោកបានបំពានច្បាប់រដ្ឋ និងប្រទេសជាតិ។

ថ្លែងសុន្ទរកថារយៈពេល២០នាទីតាមកញ្ចក់ទូរទស្សន៍ លោក Cuomo ជាថ្មីម្តងទៀតបានបដិសេធពីការរប្រព្រឹត្តខុស បើទោះបីជាលោកមានប្រសាសន៍ទទួលយកចំពោះការខុសត្រូវពេញលេញសម្រាប់ស្ត្រីតាមរយៈអ្វីដែលលោកកំណត់ថាជាការប៉ុនប៉ងបង្កើតស្នេហា ឬលេងសើច។

លោកមានប្រសាសន៍ថា លោកចាត់ទុកថា ការប្រយុទ្ធប្រឆាំងនឹងការចោទប្រកាន់ខណៈពេលកំពុងកាន់តំណែងនឹងធ្វើឲ្យរដ្ឋមានបញ្ហា និងអ្នកបង់ពន្ធដែលមានតម្លៃរាប់លានដុល្លារនៅពេលវិបត្តិកូវីដ-១៩នឹងនៅតែជាការគំរាមកំហែងដ៏ធំ។

លោកថា ៖«ខ្ញុំគិតថា ផ្តល់កាលៈទេសៈឲ្យខ្ញុំជាជម្រើសល្អបំផុត ខ្ញុំអាចដោះស្រាយឥឡូវនេះ ប្រសិនបើខ្ញុំចុះចេញ និងអនុញ្ញាតឲ្យរដ្ឋបាលត្រឡប់មកវិញសិន ហើយយ៉ាងណា ខ្ញុំនឹងសម្រេចចិត្តហើយ»។ ការលាលែងរបស់លោកនឹងត្រូវប្រើពេល១៤ថ្ងៃ។

របាយការណ៍ស៊ើបអង្កេតដែលមានទំហំ១៦៨ទំព័របានរកឃើញថា លោកបានប្រើកាយវិការអោប ថើប ឬពោលពាក្យលែបខាយដល់បុគ្គលិកស្ត្រីទាំងអ្នកបម្រើការបច្ចុប្បន្ន និងបុគ្គលិកមុនៗ ហើយហោចណាស់មានស្ត្រីម្នាក់បានចោទប្រកាន់ពីការរំលោភផ្លូវ៕

ប្រែសម្រួល៖ វីរបុត្រ
ប្រភព៖ Reuters