ថៃ នៅសល់ខេត្តតែមួយគត់ មិនទាន់រកឃើញករណី Delta ក្រៅពីនេះ វាយលុកអស់ហើយ

នាយកដ្ឋានវិទ្យាសាស្ត្រវេជ្ជសាស្ត្រថៃ (DMS) បាននិយាយកាលពីថ្ងៃអង្គារទី១០ ខែសីហា ថា Delta បានក្លាយជាវីរុសកូវីដ-១៩បំប្លែងខ្លួនលេចធ្លោ ហើយត្រូវបានរកឃើញក្នុងខេត្តចំនួន៧៦ ក្នុងចំណោមខេត្តទាំង៧៧ក្នុងប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីរុសបំប្លែងខ្លួន Delta ដែលត្រូវបានគេរកឃើញដំបូងនៅប្រទេសឥណ្ឌា ឥឡូវនេះគឺជាក្តីកង្វល់ដ៏កំពូលមួយរបស់ពិភពលោក ដោយសារតែអត្រាឆ្លងខ្ពស់ជាង ៤០ភាគរយ បើប្រៀបធៀបទៅនឹងវីរុស Alpha ដែលត្រូវបានរកឃើញដំបូងនៅចក្រភពអង់គ្លេស។

អគ្គនាយក DMS លោកវេជ្ជបណ្ឌិត Supakit Sirilak កាលពីម្សិលមិញបាននិយាយថា Delta នៅតែជាវីរុសបំប្លែងខ្លួនលេចធ្លោក្នុងទីក្រុងបាងកក ដោយគេរកឃើញរហូតដល់ទៅ ៩២ភាគរយ ក្នុងចំណោមករណីទាំងអស់ខណៈ ៤,៦ភាគរយគឺជាវីរុស Alpha។

ទោះបីជាយ៉ាងណាក៏ដោយ វីរុសបំប្លែងខ្លួន Delta មិនទាន់ត្រូវបានរកឃើញក្នុងខេត្ត Suphan Buri នៅឡើយទេ។

ស្របពេលជាមួយគ្នានោះដែរ លោកវេជ្ជបណ្ឌិត Supakit បាននិយាយថា រហូតមកដល់ពេលនេះ នៅតែមិនមានសញ្ញាណាមួយទេ អំពីវីរុសបំប្លែងខ្លួន Lambda មកពីតំបន់អាមេរិកខាងត្បូង៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ថៃ ប្រកាសមានអ្នកស្លាប់ដោយសារកូវីដ ហក់ឡើងដល់កម្រិតខ្ពស់បំផុត