ព័ត៌មានអន្ដរជាតិ
វៀតណាម អនុញ្ញាតឲ្យប្រើឱសថបុរាណមួយប្រភេទព្យាបាលកូវីដ
ក្រុមអ្នកវិទ្យាសាស្ត្រវៀតណាម បានប្រកាសពីលទ្ធផលនៃការស្រាវជ្រាវរបស់ពួកគេ លើប្រភេទឱសថបុរាណប្រឆាំងជំងឺកូវីដ ១៩ ដែលត្រូវបានអនុញ្ញាតឲ្យប្រើប្រាស់ សម្រាប់សាកល្បងព្យាបាលលើអ្នកជំងឺ បន្ទាប់ពីការធ្វើតេស្តលើសត្វប្រកបដោយជោគជ័យ ។
![](https://www.kampucheathmey.com/wp-content/uploads/2021/08/drug-1.jpg)
លទ្ធផលនៃការស្រាវជ្រាវដែលធ្វើឡើងដោយលោកវេជ្ជបណ្ឌិត Le Quang Huan និងសហការីរបស់គាត់នៅវិទ្យាស្ថានបច្ចេកវិទ្យាជីវសាស្រ្ត ត្រូវបានប្រកាសដោយបណ្ឌិត្យសភាវិទ្យាសាស្ត្រ និងបច្ចេកវិទ្យាវៀតណាម ក្នុងសន្និសីទសារព័ត៌មានមួយកាលពីថ្ងៃអង្គារ ។
សន្និសិទសន្និសីទនេះបានឲ្យដឹងថា ថ្នាំដែលមានមូលដ្ឋានលើរុក្ខជាតិឈ្មោះ VIPDERVIR ត្រូវបានបង្កើតឡើងក្នុងទម្រង់ជាថ្នាំគ្រាប់ និងត្រៀមផលិតសម្រាប់បម្រើអ្នកជំងឺកូវីដ ១៩ ។
![](https://www.kampucheathmey.com/wp-content/uploads/2021/08/drug-2.jpg)
ថ្នាំ VIPDERVIR ត្រូវបានគេវាយតម្លៃនៅវិទ្យាស្ថានធ្វើតេស្តឱសថ និងសាកលវិទ្យាល័យវេជ្ជសាស្ត្រហាណូយ ខណៈដែលប្រសិទ្ធភាពទប់ស្កាត់មេរោគអេដស៍ H5N1 និងវីរុស SARS-CoV-2 ឬជំងឺកូវីដ ១៩ ត្រូវបានគេវាយតម្លៃនៅវិទ្យាស្ថានជីវបច្ចេកវិទ្យា និងវិទ្យាស្ថានជាតិអនាម័យ និងរោគរាតត្បាត ។
ផ្អែកលើការវាយតម្លៃទាំងនេះ ក្រុមស្រាវជ្រាវបានធ្វើការពិសោធន៍ថ្នាំ VIPDERVIR លើទន្សាយ ហើយបានរកឃើញថា ថ្នាំនេះមានសមត្ថភាពការពារកោសិកាពីការតោងនៃវីរុស SARS-CoV-2 ។
![](https://www.kampucheathmey.com/wp-content/uploads/2021/08/Vietnam-4.jpg)
ទន្ទឹមនោះថ្នាំ VIPDERVIR ក៏រារាំងការកើនឡើងនៃវីរុសក្នុងកោសិកា ហើយវាធ្វើឲ្យកោសិកាភាពស៊ាំមានភាពសកម្ម ដូច្នេះថ្នាំនេះអាចស្គាល់ រារាំង និងកម្ចាត់វីរុសតែម្ដង ។ បន្ថែមពីនេះ បណ្ឌិត្យសភាវិទ្យាសាស្ត្រ និងបច្ចេកវិទ្យាវៀតណាម បាននិយាយថា លទ្ធផលស្រាវជ្រាវបានបង្ហាញថា ថ្នាំ VIPDERVIR មានសុវត្ថិភាព និងប្រសិទ្ធភាពក្នុងការរាំងស្ទះដល់ការវិវត្តនៃជំងឺកូវីដ ១៩ ។
![](https://www.kampucheathmey.com/wp-content/uploads/2021/08/Vietnam-5.jpg)
បណ្ឌិត្យសភាបានបន្ថែមថា ថ្នាំនេះក៏បានបង្ហាញពីប្រសិទ្ធភាពពង្រឹងប្រព័ន្ធភាពស៊ាំអ្នកជំងឺកូវីដ ក្នុងអំឡុងពេលសាកល្បងព្យាបាលនៅមន្ទីរពេទ្យជាតិ ។ ស្របពេលជាមួយគ្នានេះ ក្រសួងសុខាភិបាលវៀតណាមបាននិយាយថា បន្ទាប់ពីការបំពេញឯកសាររួចរាល់ ថ្នាំនេះនឹងត្រូវបានធ្វើតេស្តលើអ្នកជំងឺកូវីដស្រាល និងមធ្យម ។
គួរបញ្ជាក់ថា គិតត្រឹមពេលនេះ វៀតណាមបានកត់ត្រាករណីឆ្លងជំងឺកូវីដ ១៩ ជាង ២៣ ម៉ឺនករណីក្នុងនោះមានអ្នកស្លាប់ចំនួន ៤,១៤៥ នាក់ ចាប់តាំងពីជំងឺរាតត្បាតបានវាយលុកប្រទេសនេះ នៅដើមឆ្នាំ ២០២០ ៕
![](https://www.kampucheathmey.com/wp-content/uploads/2021/08/Hanoi-2-2.jpg)
ប្រែសម្រួលដោយ ៖ ជីវ័ន្ត
ប្រភព ៖ Tuoi Tre
ចុចអាន ៖ ក្រោយផ្ទុះឆ្លងកូវីដជាចង្កោម ហាណូយ យកសំណាកប្រជាជនក្នុងទីក្រុងចំនួន ៣០ ម៉ឺននាក់
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៧ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៧ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៧ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៧ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?