អ្នកជំនាញថា ការចាក់វ៉ាក់សាំងដូសទី ៣ ដល់អ្នកមានប្រព័ន្ធភាពស៊ាំចុះខ្សោយគួរតែធ្វើឲ្យបានឆាប់

លោក Anthony Fauci វេជ្ជបណ្ឌិតផ្នែកជំងឺឆ្លងកំពូលរបស់សហរដ្ឋអាមេរិកបាននិយាយថា លោកពេញចិត្តយ៉ាងខ្លាំងក្នុងការបង្កើនល្បឿនចាក់វ៉ាក់សាំងដូសជំរុញ ឬដូសទី ៣ ដល់អ្នកដែលមានប្រព័ន្ធភាពស៊ាំចុះខ្សោយ ។

លោកបានសង្កត់ធ្ងន់ថា ការចាក់ដូសជំរុញ ឬដូសទី ៣ នេះក៏ជាសញ្ញា និងជាយុទ្ធសាស្ត្រទប់ស្កាត់ការរីករាលដាលនៃជំងឺរាតត្បាតកូវីដ ១៩ ជាពិសេសវីរុសបំប្លែងខ្លួនឥណ្ឌា “Delta” ។

លោក Fauci បាននិយាយក្នុងកម្មវិធី “Fareed Zakaria GPS” របស់ទូរទស្សន៍ CNN ថា “យើងត្រូវមើលអ្នកដែលងាយរងគ្រោះ ឬមានហានិភ័យក្នុងពន្លឺខុសគ្នា” ។

លោកបានប្រាប់ថា “យើងត្រូវប្រាកដថា ចាក់ដូសទី ៣ ដល់ក្រុមមនុស្សទាំងនោះ មុនពេលយើងចាក់ដូសទី ៣ ដល់ប្រជាជនទូទៅដែលបានចាក់វ៉ាក់សាំង ២ ដូសហើយ ហើយយើងគួរតែធ្វើវាឲ្យបានឆាប់” ៕

ប្រែសម្រួលដោយ ៖ ជីវ័ន្ត

ប្រភព ៖ Bloomberg

ចុចអាន ៖ មនុស្សចាស់អាយុ ៦០ ឆ្នាំឡើងទៅ ចាក់វ៉ាក់សាំង Sinovac ដូសទី ៣ ក្រោយចាក់ដូសទី ២ បាន ៨ ខែ បង្កើនកម្រិតអង់ទីគ័រខ្លាំងក្លា