ព័ត៌មានអន្ដរជាតិ

អេស្ប៉ាញបានភ្លើងខៀវធ្វើតេស្តវ៉ាក់សាំងកូវីដផលិតក្នុងស្រុកលើមនុស្ស

បានផុស

៣ years មុន

នៅ

ថ្ងៃព្រហស្បតិ៍ ១២ សីហា ២០២១

ដោយ

ទីភ្នាក់ឱសថរបស់ប្រទេសអេស្ប៉ាញបានអនុញ្ញាតឲ្យធ្វើការសាកល្បងគ្លីនិកជុំទី១លើមនុស្សសម្រាប់វ៉ាក់សាំងបង្ការកូវីដ-១៩ដែលត្រូវបានផលិតដោយក្រុមហ៊ុនអេស្ប៉ាញ Hipra។ នេះបើតាមការឲ្យដឹងពីលោកនាយករដ្ឋមន្ត្រី Pedro Sanchez កាលពីថ្ងៃពុធម្សិលមិញ។

ទីភ្នាក់ងារឱសថបាននិយាយក្នុងសេចក្តីប្រកាសមួយថា សម្រាប់ការសាកល្បងគ្លីនិកសាស្ត្រលើកដំបូងនឹងធ្វើលើអ្នកស្ម័គ្រចិត្តរាប់សិបនាក់មកពីមន្ទីរពេទ្យអេស្ប៉ាញដើម្បីតេស្តពីសុវត្ថិភាព និងភាពអត់ធន់របស់ថ្នាំ ព្រមទាំងភាពស៊ាំ និងប្រសិទ្ធភាពរបស់វា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុន Hipra ដែលមានមូលដ្ឋាននៅប្រទេសអេស្ប៉ាញ និងប្រេស៊ីល បាននិយាយថា ខ្លួនអាចនឹងផលិតវ៉ាក់សាំងចំនួន៤០០លានដូសនៅឆ្នាំ២០២២ និង១.២ប៊ីលានដូសនៅឆ្នាំ២០២៣។

លោកនាយករដ្ឋមន្ត្រី Sanchez បានប្រាប់សន្និសីទកាសែតនៅកោះ Canary ថា ៖«ឱសថ និងទីភ្នាក់ងារផលិតផលសុខភាពរបស់ប្រទេសអេស្ប៉ាញទើបតែអនុញ្ញាតឲ្យធ្វើការសាកល្បងគ្លីនិកសាស្ត្រនៃវ៉ាក់សាំងបង្ការកូវីដ-១៩ទៅលើមនុស្ស»។

ក្រុមហ៊ុន Hipra ជាមន្ទីរពិសោធឱសថដែលស្រាវជ្រាវ និងផលិតវ៉ាក់សាំងបសុពេទ្យបានកំពុងធ្វើការលើវ៉ាក់សាំងបង្ការកូវីដ-១៩ពីរប្រភេទ។

ទី១ផ្អែកលើបច្ចេកវិទ្យា RNA messenger ត្រូវបានប្រើនៅក្នុងវ៉ាក់សាំង Pfizer និងទី២វ៉ាក់សាំង Moderna ដែលទើបទទួលបានការអនុម័តឲ្យធ្វើការសាកល្បង ដោយប្រើប្រូតេអ៉ីនបង្កើតកោសិកាឡើងវិញដូចជាក្រុមហ៊ុនផលិតឱសថ Novavax ដែលមានមូលដ្ឋាននៅសហរដ្ឋអាមេរិក៕

ប្រែសម្រួល៖ វីរបុត្រ
ប្រភព៖ reuters