ព័ត៌មានអន្ដរជាតិ
ផុតច្រើនខែហើយ ទើបធ្លាយព័ត៌មាន គិលានុបដ្ឋាយិកាអាល្លឺម៉ង់ យកទឹកអំបិលក្លែងជាវ៉ាក់សាំង ចាក់ឲ្យប្រជាជន
កាលពីថ្ងៃអង្គារ អាជ្ញាធរនៅភាគខាងជើងប្រទេសអាល្លឺម៉ង់ បានអំពាវនាវដល់មនុស្សរាប់ពាន់នាក់ឲ្យទៅចាក់វ៉ាក់សាំងការពារជំងឺកូវីដ -១៩ ម្តងទៀត បន្ទាប់ពីការស៊ើបអង្កេតរបស់ប៉ូលិសបានរកឃើញថា គិលានុបដ្ឋាយិកានៃកាកបាទក្រហមម្នាក់ ប្រហែលជាបានចាក់ទឹកអំបិលឲ្យពួកគេ។

គិលានុបដ្ឋាយិការូបនេះ ត្រូវបានគេសង្ស័យថា ចាក់ទឹកអំបិលជំនួសឲ្យថ្នាំពិតប្រាកដ នៅមណ្ឌលចាក់វ៉ាក់សាំងមួយក្នុងស្រុក Friesland កាលពីដើមនិទាឃរដូវ។
លោក Sven Ambrosy សមាជិកក្រុមប្រឹក្សាក្នុងតំបន់ បាននិយាយលើ Facebook ថា “ខ្ញុំពិតជា ភ្ញាក់ផ្អើលណាស់ចំពោះរឿងនេះ”។ អាជ្ញាធរ បានចេញសេចក្តីអំពាវនាវទៅកាន់ប្រជាពលរដ្ឋប្រមាណ ៨,៦០០ នាក់ ដែលអាចរងផលប៉ះពាល់។

ទោះបីទឹកអំបិលគ្មានគ្រោះថ្នាក់ក៏ដោយ តែអ្នកដែលបានចាក់វ៉ាក់សាំងក្នុងប្រទេសអាល្លឺម៉ង់ កាលពីខែមីនាដល់ខែមេសា នៅពេលរឿងនេះកើតឡើង ភាគច្រើនគឺជាមនុស្សចាស់ ដែលមានហានិភ័យខ្ពស់ក្នុងការឆ្លងកូវីដ ហើយអាចបណ្តាលឲ្យស្លាប់។
ស្របពេលជាមួយគ្នានោះ លោក Peter Beer អ្នកស៊ើបអង្កេតរបស់ប៉ូលិសបាននិយាយ នៅក្នុងសន្និសីទសារព័ត៌មានថា ផ្អែកលើសេចក្តីថ្លែងការណ៍របស់សាក្សី មានការសង្ស័យដែលសមហេតុផលអំពីគ្រោះថ្នាក់។

មូលហេតុដែលគិលានុបដ្ឋាយិកាធ្វើបែបនេះ មិនត្រូវបានគេដឹងច្បាស់ឡើយ ប៉ុន្តែនាងធ្លាប់បានលើកឡើងនូវទស្សនៈសង្ស័យអំពីវ៉ាក់សាំង នៅក្នុងបណ្តាញសង្គម។
គេមិនច្បាស់ភ្លាមៗទេ ថាតើជនសង្ស័យត្រូវបានចាប់ខ្លួនឬចោទប្រកាន់ដែរឬអត់ក្នុងករណីនេះ៕
ប្រែសម្រួល៖ Vann Vann
ប្រភព៖ Tuoi Tre
ចុចអាន៖ ផ្អែកលើការវិភាគថ្មី CDC ថា ស្ត្រីមានផ្ទៃពោះគួរចាក់វ៉ាក់សាំងបង្ការកូវីដ-១៩

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ