ព័ត៌មានអន្ដរជាតិ

ពេលនេះវៀតណាមកំពុងបារម្ភខ្វះវ៉ាក់សាំងទូទាំងប្រទេស ខណៈកូវីដផ្ទុះកាន់តែខ្លាំង

បានផុស

៣ years មុន

នៅ

ថ្ងៃសុក្រ ១៣ សីហា ២០២១

ដោយ

ប្រទេសវៀតណាមមានការព្រួយបារម្ភយ៉ាងខ្លាំងពីកង្វះវ៉ាក់សាំងបង្ការកូវីដ-១៩ដើម្បីចាក់ដល់ប្រជាជនរបស់ខ្លួន ស្របពេលដែលវិបត្តិកូវីដ-១៩កំពុងផ្ទះខ្លាំងជាប់កំណត់ត្រាថ្មីជាបន្តបន្ទាប់។

យោងតាមក្រសួងសុខាភិបាលបានឲ្យដឹងថា ករណីឆ្លងថ្មីច្រើនបំផុតដល់៩៦៦៧នាក់ទូទាំងប្រទេសកាលពីថ្ងៃព្រហស្បតិ៍ម្សិលមិញ ខណៈទីក្រុងហូជីមិញធ្ងន់ធ្ងរជាងគេ និងខេត្តជាប់ទីក្រុងនេះមាន Binh Duong និង Dong Nai ក៏កំពុងធ្ងន់ធ្ងរខ្លាំងដែរ។ កាលពីម្សិលមិញមានករណីស្លាប់ថ្មីចំនួន៣២៦នាក់ដែលធ្វើឲ្យតួលេខស្លាប់សរុបឡើងដល់៤៨១៣នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Vu Duc Dam ឧបនាយករដ្ឋមន្ត្រីដែលជាប្រធានក្រុមការងារប្រយុទ្ធនឹងកូវីដ-១៩បានឲ្យដឹងថា ៖«ស្ថានភាពជំងឺតឹងតែងណាស់ ហើយយើងប្រឈមនឹងកង្វះវ៉ាក់សាំងទូទាំងប្រទេស»។

លោក Dam និយាយថា ការព្រមព្រៀង និងការប្តេជ្ញាចិត្តត្រូវបានធានាដើម្បីវ៉ាក់សាំងរាប់រយលានដូស ប៉ុន្តែការចែកចាយយឹត។ មេដឹកនាំវៀតណាមបានធ្វើការទំនាក់ទំនងតាមទូរសព្ទប្រហែលជា២០ដងជាមួយសមភាគីបរទេសដើម្បីធានាបាននូវវ៉ាក់សាំង។

កាលពីឆ្នាំមុន វៀតណាមមានកំណត់ត្រាទប់ស្កាត់កូវីដ-១៩បានល្អបំផុតនៅអាស៊ី ប៉ុន្តែស្ថានភាពប៉ុន្មានខែចុងក្រោយបានផ្ទុះឆ្លងកើនឡើងយ៉ាងខ្លាំង។

លោកនាយករដ្ឋមន្ត្រីវៀតណាម Pham Minh Chinh ក្នុងកិច្ចប្រជុំគណៈរដ្ឋមន្ត្រីនៅថ្ងៃព្រហស្បតិ៍បានជំរុញឲ្យការផលិតវ៉ាក់សាំងបង្ការកូវីដ-១៩ក្នុងស្រុកបង្កើនសមត្ថភាពខ្លាំងឡើង។

យោងតាមទិន្នន័យផ្លូវការបង្ហាញថា រហូតដល់ពេលនេះមនុស្សជាង១.១លាននាក់ប៉ុណ្ណោះក្នុងចំណោមប្រជាជនវៀតណាម៩៨លាននាក់បានចាក់វ៉ាក់សាំងពេញលេញ។ ទិន្នន័យនេះទាបជាងគេបំផុតសម្រាប់ការចាក់វ៉ាក់សាំងបង្ការកូវីដ-១៩ក្នុងបណ្តាប្រទេសអាស៊ី។

តួលេខឆ្លងសរុបនៅប្រទេសវៀតណាមរហូតបដល់ពេលនេះជាង ២៤៦ ៥០០នាក់ដែលឆ្លងច្រើនបំផុតចាប់ពីខែមេសាមក៕

ប្រែសម្រួល៖ វីរបុត្រ
ប្រភព៖ reuters