ព័ត៌មានអន្ដរជាតិ
ក្ដៅៗ តាលីបង់ ប្រកាសវាយដណ្ដើមបានទីក្រុងសំខាន់ៗបន្ថែមទៀតរបស់ អាហ្វហ្គានីស្ថាន
ក្រុមតាលីបង់និយាយថា ពួកគេបានដណ្តើមយករដ្ឋធានីខេត្តចំនួន ៣ បន្ថែមទៀតនៅក្នុងប្រទេសអាហ្វហ្គានីស្ថាន រួមទាំងទីក្រុងយុទ្ធសាស្ត្រដ៏សំខាន់ Herat នៅភាគខាងលិចប្រទេស ។
ក្រុមបះបោរបានអះអាងថា បានគ្រប់គ្រងលើទីក្រុង Herat និងទីក្រុង Badghis ភាគខាងលិច ក៏ដូចជាទីក្រុង Ghazni នៅភាគអាគ្នេយ៍កាលពីថ្ងៃព្រហស្បតិ៍ ។

ក្រុមនេះបាននិងកំពុងទទួលបានទឹកដីយ៉ាងឆាប់រហ័ស ចាប់តាំងពីសប្តាហ៍មុន ហើយឥឡូវនេះគ្រប់គ្រងបាន ១២ ខេត្តក្នុងចំណោមខេត្តទាំង ៣៤ នៅអាហ្វហ្គានីស្ថាន ។
ទន្ទឹមនោះ ទីក្រុងធំទី ៣ Herat គឺជាទីក្រុងយុទ្ធសាស្ត្រជាពិសេស ដោយសារតែវានៅជាប់នឹងព្រំដែនជាមួយប្រទេសអ៊ីរ៉ង់ ។ ការដួលរលំរបស់ទីក្រុងទៅលើក្រុមប្រដាប់អាវុធ គឺជាការប៉ះទង្គិចដ៏ធំមួយដល់កងកម្លាំងរដ្ឋាភិបាលអាហ្វហ្គានីស្ថាន ។

ស្របពេលជាមួយគ្នានេះ វីដេអូដែលក្រុមតាលីបង់បានបង្ហោះនៅលើបណ្តាញសង្គម Twitter បង្ហាញពីយុទ្ធជនរបស់ខ្លួនកាន់អាវុធ ខណៈកំពុងដើរជុំវិញទីស្នាក់ការកណ្តាលរបស់ប៉ូលិស នៅទីក្រុង Herat ។
ក្រុមតាលីបង់បានបង្កើនការវាយលុករបស់ខ្លួន ខណៈដែលយោធាអាមេរិកដកទ័ពចេញពីអាហ្វហ្កានីស្ថានជាបណ្តើរៗ ហើយមានគោលបំណងដកទាំងស្រុងនៅចុងខែនេះ ។

បន្ថែមពីនេះ ក្រុមបះបោរកំពុងធ្វើសង្គ្រាមយ៉ាងខ្លាំង ជាមួយកងកម្លាំងរដ្ឋាភិបាលនៅជុំវិញទីក្រុងធំបំផុតទី ២ Kandahar នៅភាគខាងត្បូង ។
គួរបញ្ជាក់ថា មនុស្សជាច្រើនបានភៀសខ្លួនទៅកាន់រដ្ឋធានីកាប៊ុល ខណៈមានការព្រួយបារម្ភកំពុងកើនឡើងជុំវិញវិបត្តិមនុស្សធម៌ នៅពេលដែលការប្រយុទ្ធគ្នាកាន់តែខ្លាំងឡើងនៅទូទាំងប្រទេស ៕

ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ តាលីបង់ វាយបាន២ភាគ៣នៃប្រទេស អាហ្វហ្គានីស្ថាន ហើយចូលកាន់តែកៀកក្រុង កាបុល

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ