ព័ត៌មានអន្ដរជាតិ
អាមេរិក សម្រេចចាក់វ៉ាក់សាំងដូសជំរុញ ដល់អ្នកមានប្រព័ន្ធភាពស៊ាំចុះខ្សោយ
និយតករអាមេរិកនៅថ្ងៃព្រហស្បតិ៍ (ថ្ងៃសុក្រនៅកម្ពុជា) បាននិយាយថា អ្នកផ្លាស់ប្តូរសរីរាង្គនិងអ្នកដែលមានប្រព័ន្ធភាពស៊ាំចុះខ្សោយ អាចទទួលបានវ៉ាក់សាំងការពារជំងឺកូវីដ-១៩ ដូសជំរុញ ដើម្បីការពារពួកគេឲ្យបានប្រសើរជាងមុន ស្របពេលវីរុសបំប្លែងខ្លួន Delta កំពុងបន្តវាយលុក។

សេចក្តីប្រកាសរបស់រដ្ឋបាលចំណីអាហារនិងឱសថ (FDA) គឺអនុវត្តចំពោះជនជាតិអាមេរិករាប់លាននាក់ដែលងាយរងគ្រោះ ជាពិសេសអ្នកផ្លាស់ប្តូរសរីរាង្គ អ្នកមានជំងឺមហារីក ឬជំងឺផ្សេងៗ។ ប្រទេសមួយចំនួនទៀត រួមទាំងបារាំងនិងអ៊ីស្រាអែល ក៏មានអនុសាសន៍ស្រដៀងគ្នានេះដែរ។
វាជាការពិបាកសម្រាប់វ៉ាក់សាំង ក្នុងការពង្រីកប្រព័ន្ធភាពស៊ាំដែលវាយលុកដោយជំងឺមួយចំនួន ដូច្នេះអ្នកជំងឺទាំងនោះមិនទទួលបានការការពារដូចគ្នាទៅនឹងមនុស្សដែលមានសុខភាពល្អទេ ហើយការសិក្សាតូចមួយបានបង្ហាញថា ការចាក់វ៉ាក់សាំងដូសជំរុញ អាចនឹងជាដំណោះស្រាយ។

លោកវេជ្ជបណ្ឌិត Rochelle Walensky នាយកមជ្ឈមណ្ឌលគ្រប់គ្រងនិងបង្ការជំងឺ បាននិយាយថា “សកម្មភាពនេះ គឺដើម្បីធានាថា អ្នកងាយរងគ្រោះបំផុតរបស់យើង ត្រូវបានការពារប្រសើរជាងមុន ប្រឆាំងនឹងជំងឺកូវីដ-១៩”។
សំខាន់ ការសម្រេចចិត្តនេះគឺអនុវត្តចំពោះក្រុមហានិភ័យខ្ពស់ មិនមែនជាការបើកចំហសម្រាប់មនុស្សទូទៅនោះទេ។

ស្របពេលជាមួយគ្នានោះ ក្រុមមន្រ្តីសុខាភិបាលអាមេរិក ក៏កំពុងបន្តឃ្លាំមើលយ៉ាងដិតដល់ផងដែរ ថាតើនិងពេលណា ភាពស៊ាំរបស់ប្រជាជនថយចុះល្មម ដែលតម្រូវឲ្យមានការចាក់វ៉ាក់សាំងដូសជំរុញសម្រាប់មនុស្សគ្រប់គ្នា ប៉ុន្តែពេលនេះ វ៉ាក់សាំងនៅតែបន្តផ្តល់ការការពារដ៏រឹងមាំសម្រាប់ប្រជាជនទូទៅ៕
ប្រែសម្រួល៖ Vann Vann
ប្រភព៖ AP
ចុចអាន៖ ងាយៗសោះ! អនុវត្ត ៥វិធីនេះ លែងភ័យឈឺដៃ ក្រោយចាក់វ៉ាក់សាំង

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ