លោក Trump លើកលែងទោសអតីតទីប្រឹក្សា Michael Flynn

នៅថ្ងៃពុធនេះ ប្រធានាធិបតីអាមេរិកលោក Donald Trump បានផ្តល់ឲ្យអតីតទីប្រឹក្សាសន្តិសុខជាតិរបស់គាត់គឺលោក Michael Flynn នូវការលើកលែងទោសទាំងស្រុង។

លោក Trump បានបង្ហោះ Twitter ថា “ខ្ញុំមានកិត្តិយសសូមប្រកាសថា លោកឧត្តមសេនីយ៍ Michael T. Flynn បានទទួលការលើកលែងទោសទាំងស្រុង។ សូមអបអរសាទរចំពោះ @GenFlynn និងក្រុមគ្រួសារដ៏អស្ចារ្យរបស់គាត់ ខ្ញុំដឹងថាឥឡូវនេះអ្នកនឹងរីករាយជាមួយពិធីបុណ្យ Thanksgiving ដ៏អស្ចារ្យ!”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព័ត៌មាននេះបានកើតឡើងបន្ទាប់ពីទូរទស្សន៍ CNN រាយការណ៍ថា ក្រៅពីលោក Flynn មានការពិភាក្សាគ្នានៅឯសេតវិមានស្តីពីការលើកលែងទោសដល់មនុស្សជាច្រើនទៀតក្នុងចំណោមមនុស្សជិតស្និទ្ធរបស់លោក Trump។

លោក Flynn បានជាប់ក្នុងការស៊ើបអង្កេតកាលពីខែកុម្ភៈឆ្នាំ២០១៧ទាក់ទងការនិយាយទូរស័ព្ទជាមួយឯកអគ្គរដ្ឋទូតរុស្ស៊ីប្រចាំសហរដ្ឋអាមេរិកហើយបានលាលែងពីមុខតំណែងរបស់លោកនៅប្រហែលពីរបីសប្តាហ៍ក្រោយ។

នៅចុងឆ្នាំ២០១៧ លោកបានសារភាពកំហុសចំពោះការនិយាយកុហកទៅ FBI ក្នុងអំឡុងការស៊ើបអង្កេតរបស់រដ្ឋអាជ្ញាពិសេសលោក Robert Mueller ចូលក្នុងការជ្រៀតជ្រែករបស់រុស្ស៊ីនៅក្នុងការបោះឆ្នោតប្រធានាធិបតីឆ្នាំ២០១៦។

នៅដើមខែឧសភា ក្រសួងយុត្តិធម៌បានចាត់វិធានការដ៏កម្រមួយដោយច្រានចោលបណ្តឹងប្រឆាំងនឹងរូបលោក៕

ប្រែសម្រួលដោយ៖ Vann Vann

ប្រភព៖ Anadolu

ចុចអាន៖ លោក Biden ថា នឹងមិនស៊ើបអង្កេតដាក់ទោសលោក Trump ទេ ពេលចូលកាន់អំណាច

ចុចអាន៖ ទីបំផុត លោក ត្រាំ យល់ព្រមឲ្យមានការផ្ទេរអំណាចទៅលោក បៃដិន