ព័ត៌មានអន្ដរជាតិ
ការជជែកដេញដោលលើកចុងក្រោយ ៖ Trump និង Biden ប៉ះទង្គិចគ្នាលើបញ្ហាធំៗ
ប្រធានាធិបតីអាមេរិក Donald Trump និងគូប្រជែងលោក Joe Biden បានប៉ះទង្គិចគ្នាសាជាថ្មីពាក់ព័ន្ធនឹងជំងឺកូវីដ ១៩ និងការរើសអើងជាតិសាសន៍ ខណៈក៏មានការចោទប្រកាន់ពីអំពើពុករលួយនៃអាជីវកម្មនៅក្នុងការជជែកដេញដោលនៃតំណែងប្រធានាធិបតីលើកចុងក្រោយនេះផងដែរ ។
ស្តីពីជំងឺរាតត្បាតកូវីដ ១៩ លោក Biden មិនបដិសេធចំពោះការបិទប្រទេសបន្ថែមទៀតនោះទេ ខណៈពេលដែលលោក Trump បានទទូចថា វាដល់ពេលហើយដើម្បីបើកសហរដ្ឋអាមេរិកសាជាថ្មី ដោយសារតែមនុស្សភាគច្រើនដែលឆ្លងជំងឺកូវីដ ១៩ បានជាសះស្បើយ ។
ចំណែកអំពីអំពើពុករលួយវិញ លោក Trump បានលើកឡើងថា លោក Biden បានទទួលផលចំណេញពីការធ្វើជំនួញរបស់កូនប្រុសគាត់ ហើយអ្នកប្រជាធិបតេយ្យមួយនេះបានដំឡើងពន្ធរបស់លោក Trump ។

រីឯចំណុចនៃការរើសអើងជាតិសាសន៍លោក Trump បាននិយាយថា “លោកជាមនុស្សប្រកាន់ជាតិសាសន៍តិចបំផុតនៅក្នុងបន្ទប់ជជែកដេញដោលនេះ” ។
ប៉ុន្តែលោក Biden បាននិយាយថា លោក Trump គឺជាប្រធានាធិបតីដែលប្រកាន់ពូជសាសន៍ខ្លាំងបំផុតម្នាក់ដែលយើងមាននៅក្នុងប្រវត្តិសាស្រ្តសម័យទំនើប ។
បន្ថែមពីនេះអ្នកទាំងពីរក៏បានប៉ះទង្គិចគ្នាជាថ្មីម្តងទៀតលើគោលនយោបាយថាមពល និងបញ្ហាអាកាសធាតុផងដែរ ខណៈដែលលោក Trump បានសួរគូប្រជែងរបស់លោកថា “តើអ្នកនឹងបិទឧស្សាហកម្មប្រេងដែរឬទេ?” ។

លោក Biden បាននិយាយថា “ខ្ញុំនឹងផ្លាស់ប្តូរពីឧស្សាហកម្មប្រេង ពីព្រោះឧស្សាហកម្មប្រេងមានការបំពុលយ៉ាងខ្លាំង” ។
គួរបញ្ជាក់ថា ការជជែកដេញដោលគ្នាកាលពីរាត្រីថ្ងៃព្រហស្បតិ៍នៅទីក្រុង Nashville រដ្ឋ Tennessee គឺមានការរឹតបន្តឹងខ្លាំងជាងការជជែកដេញដោលកាលពីលើកមុនរបស់អ្នកទាំងពីរកាលពីថ្ងៃទី ២៩ ខែកញ្ញា ដែលបានជេរប្រមាថ និងការហៅឈ្មោះចំៗជាដើម ។
ប៉ុន្តែទន្ទឹមនោះក៏មានការវាយប្រហារទៅវិញទៅមកជាច្រើនផងដែរត្រូវបានគេមើលឃើញរវាងគូប្រជែងទាំងពីរនេះ ៕

ប្រែសម្រួលដោយ ៖ ជីវ័ន្ត
ប្រភព ៖ BBC

-
ព័ត៌មានអន្ដរជាតិ៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?