ធ្លាយព័ត៌មានសម្ងាត់ថា ចិន ត្រៀមទទួលស្គាល់ តាលីបង់ ជាអ្នកគ្រប់គ្រងស្របច្បាប់

ប្រទេសចិនត្រូវបានគេរាយការណ៍ថា កំពុងត្រៀមខ្លួនទទួលស្គាល់ក្រុមតាលីបង់ថា ជាអ្នកគ្រប់គ្រងស្របច្បាប់របស់ប្រទេសអាហ្វហ្គានីស្ថាន ប្រសិនបើពួកគេជោគជ័យក្នុងការផ្តួលរំលំរដ្ឋាភិបាលដែលគាំទ្រដោយលោកខាងលិចនៅទីក្រុងកាប៊ុល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពចារកម្មអាមេរិកនិងបរទេស ដែលដកស្រង់ដោយសារព័ត៌មាន U.S. News & World Report បានឲ្យដឹងថា មេដឹកនាំគណបក្សកុម្មុយនិស្តចិន កំពុងរៀបចំធ្វើទំនាក់ទំនងជាផ្លូវការជាមួយក្រុមបះបោរឥស្លាមមួយនេះ។

រឿងនេះបានកើតឡើង នៅពេលពួកតាលីបង់ គ្រប់គ្រងបាន២ភាគ៣នៃប្រទេសអាហ្វហ្គានីស្ថាន បន្ទាប់ពីការវាយប្រហារឥតឈប់ឈរ។

ការទទួលស្គាល់ពីទីក្រុងប៉េកាំង នឹងក្លាយជាការប៉ះទង្គិចយ៉ាងខ្លាំងដល់ផែនការរបស់ប្រធានាធិបតីអាមេរិក លោក ចូ បៃដិន ក្នុងការប្រើការគំរាមកំហែងនៃភាពឯកោអន្តរជាតិ ដើម្បីបង្ខំឲ្យពួកតាលីបង់ វិលត្រឡប់មករកការចរចារកដំណោះស្រាយនយោបាយវិញ។

ប្រទេសចិន បានបង្កើតទំនាក់ទំនងជិតស្និទ្ធជាមួយប៉ាគីស្ថាន ដែលមានព្រំដែនជួរភ្នំដ៏វែងជាមួយអាហ្វហ្គានីស្ថាន។ ជនជាតិអាហ្វហ្គានីស្ថានជាច្រើនជឿជាក់ថា ប៉ាគីស្ថានកំពុងជួយតាលីបង់ ដោយផ្តល់ជម្រកសុវត្ថិភាពសម្រាប់ជំរំហ្វឹកហាត់ និងជំនួយវេជ្ជសាស្ត្រដល់យុទ្ធជនដែលរងរបួស។

ទន្ទឹមនឹងនេះដែរ ទីក្រុងប៉េកាំងអាចនឹងមើលឃើញនូវឱកាសដើម្បី ចូលខ្លួនទៅរកអ្វីដែលអាចជាអ្នកគ្រប់គ្រងបន្ទាប់ចៀសមិនរួចរបស់ប្រទេសអាហ្វហ្គានីស្ថាន។

កាលពីខែមុន អ្នកនាំពាក្យតាលីបង់ លោក Suhail Shaheen បាននិយាយនៅក្នុងបទសម្ភាសន៍មួយថា “ចិនគឺជាប្រទេសមិត្តភាព ហើយយើងស្វាគមន៍ប្រទេសនេះសម្រាប់ការស្ថាបនាឡើងវិញនិងការអភិវឌ្ឍអាហ្វហ្គានីស្ថាន។ ប្រសិនបើចិន មានការវិនិយោគ ពិតណាស់យើងនឹងធានាសុវត្ថិភាពរបស់ពួកគេ”៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ បង្ហាញមុខ និងតួនាទីមេដឹកនាំកំពូលៗ របស់ក្រុម តាលីបង់