Breaking News! ក្រុមតាលីបង់ ចូលដល់ទីក្រុង កាប៊ុល ហើយ

ក្រសួងមហាផ្ទៃអាហ្វហ្គានីស្ថានបានឲ្យដឹងនៅថ្ងៃអាទិត្យនេះថា ក្រុមតាលីបង់បានចូលមកតាមគ្រប់ច្រក ដល់រដ្ឋធានីកាប៊ុលហើយ។

សំឡេងស៊ីរ៉ែន ត្រូវបានគេឮ ព្រមជាមួយនឹងការបាញ់កាំភ្លើង ផ្ទុះឡើងជាបន្តបន្ទាប់។ ឧទ្ធម្ភាគចក្រជាច្រើនគ្រឿង បានហោះឆ្វែលពីលើកណ្តាលទីក្រុងនិង បានទម្លាក់ភ្លើង។

យ៉ាងណាក្តី ក្រុមតាលីបង់បាននិយាយថា ខ្លួនគ្មានផែនការដណ្តើមយករដ្ឋធានីអាហ្វហ្គានីស្ថានដោយប្រើកម្លាំងឡើយ។ ក្រុមប្រដាប់អាវុធ បានចេញសេចក្តីថ្លែងការណ៍នេះ ខណៈយុទ្ធជនរបស់ពួកគេ កំពុងស្ថិតនៅជាយក្រុងកាប៊ុល។

សេចក្តីថ្លែងការណ៍បន្តថា “ការចរចាកំពុងធ្វើឡើង ដើម្បីធានាថា ដំណើរការផ្ទេរអំណាច នឹងសម្រេចប្រកបដោយសុវត្ថិភាពនិងសន្តិសុខ ដោយមិនធ្វើឲ្យប៉ះពាល់ដល់អាយុជីវិត ទ្រព្យសម្បត្តិនិងកិត្តិយសរបស់នរណាម្នាក់ ហើយមិនធ្វើឲ្យប៉ះពាល់ដល់អាយុជីវិតរបស់អ្នកក្រុងកាប៊ុលឡើយ”។

អ្នកនាំពាក្យរបស់ក្រុមតាលីបង់និយាយថា “ក្រុមឥស្លាមអេមីរ៉ាត បានណែនាំកងកម្លាំងរបស់ខ្លួនទាំងអស់ ឲ្យឈរជើងនៅមាត់ទ្វារក្រុងកាប៊ុល កុំព្យាយាមចូលកណ្តាលទីក្រុង”៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ សមាជិកព្រឹទ្ធសភា អំពាវនាវឲ្យអាមេរិក បើកការវាយប្រហារអាកាស លើក្រុមតាលីបង់