ព័ត៌មានអន្ដរជាតិ

មកដឹងពីប្រភព និងប្រាក់ចំណូលក្នុងមួយឆ្នាំៗរបស់ ក្រុមតាលីបង់ ពិតជាមិនធម្មតា

បានផុស

៤ years មុន

នៅ

ថ្ងៃពុធ ១៨ សីហា ២០២១

ដោយ

ក្រុមតាលីបង់បានអះអាងពីជ័យជម្នះរបស់ខ្លួន ក្នុងការដណ្តើមកាន់កាប់ប្រទេសអាហ្វហ្គានីស្ថាន បន្ទាប់ពីការវាយប្រហារដូចផ្លេកបន្ទោរ ចូលរដ្ឋធានីកាប៊ុលកាលពីថ្ងៃអាទិត្យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ ក្រុមតាលីបង់បានប្រកាសថា សង្គ្រាមនៅក្នុងប្រទេសអាហ្វហ្គានីស្ថានបានបញ្ចប់ហើយ បន្ទាប់ពីក្រុមបះបោរនេះ កាន់កាប់វិមានប្រធានាធិបតីទីក្រុងកាប៊ុល ខណៈលោកប្រធានាធិបតី Ashraf Ghani បានភៀសខ្លួនចេញពីប្រទេស ស្របពេលកងកម្លាំងដឹកនាំដោយអាមេរិកបានចាកចេញ ហើយបណ្តាប្រទេសលោកខាងលិច ស្វះស្វែងជម្លៀសពលរដ្ឋរបស់ពួកគេចេញ ។

មិនដល់មួយខែផង កងទ័ពអាហ្វហ្គានីស្ថានបានដួលរលំទាំងស្រុង ខណៈក្រុមតាលីបង់បានចាត់ទុកការវាយលុកនេះថាជា ជ័យជម្នះដែលមិនអាចប្រៀបផ្ទឹមបាន ។ ប៉ុន្តែអ្វីដែលសំខាន់នោះ គេពុំទាន់ដឹងច្បាស់ពីប្រភពចំណូលរបស់ក្រុមបះបោរនេះឡើយ ។

ពាក់ព័ន្ធនឹងបញ្ហាហិរញ្ញវត្ថុរបស់ក្រុមអ្នកប្រយុទ្ធឥស្លាមប្រហែល ៨ ម៉ឺននាក់នេះ តាមរបាយការណ៍របស់អង្គការសហប្រជាជាតិ (UN) បានឲ្យដឹងថា ប្រភពចម្បងនៃការផ្តល់មូលនិធិរបស់តាលីបង់គឺបានមកពី ការជួញដូរគ្រឿងញៀន ការជំរិតទារប្រាក់ និងការលោះ ការធ្វើអាជីវកម្មរ៉ែ ការប្រមូល និងការបរិច្ចាគពន្ធ ។

របាយការណ៍នោះបានឲ្យដឹងទៀតថា តាមការប៉ាន់ប្រមាណប្រាក់ចំណូលប្រចាំឆ្នាំរបស់ក្រុមតាលីបង់ មានចាប់ពី ៣០០ លានដុល្លារទៅ ១.៦ ប៊ីលានដុល្លារ ៕